BRIL LEIERSGIDS Uitgawe 2017 Emmaus Sentrum Posbus 111, Paarl, 7620 Dienssentrum Tel: 082 838 3298 E-pos: emmausinfo@mweb.co.za Webtuiste: www.emmaussentrum.co.za Finale Redakteurs Anriëtte de Ridder, Elzanne van der Westhuizen Ontwerp en uitleg Gerda van Zyl www.creativesquare.co.za
1 BRIL LEIERSGIDS INHOUDSOPGAWE Samestelling van Programme 2 Program 1 3 5 Program 2 6 9 Program 3 10 12 Program 4 13 15 Program 5 16 19 Program 6 20 23
2 SAMESTELLING VAN PROGRAMME LOGIN Aanknopingsvraag om kleingroepsbespreking aan die gang te sit. AANLYN Vrae vir verdere kleingroepsbespreking oor die onderwerp. NEUTEDOP Opsomming van die kernidee van die program. WOORD EN VRAE Ekstra tekste en vrae rakende die onderwerp. Hierdie tekste kan deel uitmaak van die kleingroepbyeenkoms of by die huis deurgewerk word in stiltetyd. @HOME Iets vir die tieners om by die huis te doen. BUITE DIE BOKS n Uitdaging vir die week. SOEKENJIN Ekstra inligting vanuit ander bronne, bv. boeke en die web. Hierdie inligting kan ook tydens die kleingroepbyeenkoms of by die huis in stiltetyd gebruik word. MY SPACE In hierdie spasie kan tieners die geestelike dissipline van joernaal-skryf inoefen. Afhangende van die les, kan dit ook tydens die kleingroepbyeenkoms of by die huis gebruik word. GEBED n Gebed vir gebruik tydens die kleingroepbyeenkoms of by die huis. GRENSLOOS Ander media, bv. films en musiek, wat kan gebruik word as verdere vaslegging van die tema.
3 LEIERSGIDS BRIL PROGRAM 1 N NUWE BRIL TEMA EN DOEL VAN PROGRAM Hierdie reeks is geskoei op die NGK se Seisoen van menswaardigheid se fokusse, naamlik Respek, Luister, Liefde en Omarming. Die eerste program is n instelling van ons oë om met hierdie waardes te begin kyk na ander mense. Hierdie program se kernfokus is rassisme en alle ander ismes waarmee ons ander mense in n negatiewe lig plaas. LOGIN Watter woord dink jy sal mense gebruik om jou mee te beskryf? AANLYN Met watter bril kyk ons na mense, m.a.w. hoe oordeel ons mense? Bv. Rasse, rykdom, gelowe, persoonlikhede, seksuele oriëntasie, ouderdom, geslag, musieksmaak, kultuur, ens. Noem voorbeelde. Hoe dink jy voel mense of groepe wat ge- label word? Hoekom is dit verkeerd om mense te label? Stuur die gesprek na die feit dat ons onsself hoër ag as die mense wat ons label en daarom voel ons ons het die reg om dit te doen. Lees en bespreek 1 Samuel 16:7 Hoe verwag God moet ons na mense kyk? Wat maak dit moeilik? Wat maak dit moontlik? Lees en bespreek Johannes 4:1-14 (veral vers 9), 27-30, 40-42 Hoekom was die vrou verbaas dat Jesus met haar gesels? Watter vooroordele het bestaan teenoor vroue en Samaritane? Hoe behandel Jesus die vrou? Watter grense steek Hy oor om met haar te gesels? Watter grense bestaan vandag? As Jesus niemand veroordeel het of ander mense in boksies gesit het nie hoekom doen ons dit? Hoe dink jy oor mense wat anders is as jy? Watter bril dra jy? Wat moet jy verander? NEUTEDOP Ons sien selde ons eie bril van vooroordele raak, in n wêreld waar rassisme, klassisme, seksisme en homofobie baie keer aanvaarbaar en selfs die norm is, word ons uitgedaag om anders te kyk soos Jesus en aan alle mense ewe veel liefde te bewys. SOEKENJIN Web: Google: racism en lees Handelinge 10:1-36
4 Google: Samaritan woman at the well Youtube: woman at the well lalaland481 Youtube: Kleurblind Bouwer Bosch Youtube: God glasses Youtube: Coca-Cola Rainbow Nation Boeke: Who are We to Judge? Dave Swavely BUITE DIE BOKS Die beste manier om vooroordele te oorkom is om mense persoonlik te leer ken uit daardie groep waarteen jy diskrimineer. Gesels hierdie week met iemand uit n ander agtergrond, ras of kultuur, of iemand wat anders dink of glo. Stel belang en probeer doelbewus om met n Jesus-bril na hulle te kyk. @HOME Gaan maak n lysie by die huis van mense wat jy al voorheen ge- judge het. Kyk of jy iets goeds van elkeen kan skryf. Probeer hierdie week daardie eienskappe in hulle raaksien, of selfs nuwe goeie eienskappe wat daardie persone mag hê, te ontdek. WOORD EN VRAE Handelinge 10:1-35 (veral verse 28, 34-35) Hoe sal jy hierdie verhaal op jou lewe van toepassing kan maak? Is daar mense teenoor wie jy jou houding moet verander? Romeine 3:9-12 Is mense regtig gelyk? In watter opsig is alle mense gelyk volgens hierdie verse? Hoe raak dit jou? 1 Samuel 16:1-13 Lees die hele verhaal van Dawid se salwing as koning. Wat vertel dit vir jou oor jou eie vooroordele? Wat sê dit vir jou oor hoe God oor JOU dink? MY SPACE Ek moet my houding teenoor ander mense verander en n nuwe bril opsit. Wat is die grootste verandering wat in myself moet plaasvind? Maak n akroniem vir die woord Bril wat jou herinner om anders na mense te kyk: B R I L GEBED Vra die Here vir n nuwe bril
5 Om jou te help om ander mense deur God se oë te sien. Vra God om jou te wys wat Hy in hulle sien. Vra God om jou te wys wat ander in jou raaksien. GRENSLOOS Hoor jy die Volke Folgende Hoor jy die volke juig van n Man Hy t sonde verslaan en sy heiligheid skyn Tot in die donkerste plekke van nood Waar ons Hom sal volg en sy Naam sal getuig Kom nou sy kinders, vloei na sy troon Ons Vader is hier en sy liefde oorstroom Tot in ons strate die duisternis in Waar hartseer en pyn in sy vryheid sal sing U het U Seun gestuur en ons vrygemaak U het opgestaan, opgestaan vir ons Dan sal ek juig my God Met my hele hart en siel Sal ek leef vir U, leef vir U alleen Kan jy jou verbeel hoe die hemel gaan lyk waar alle volke, rasse, tale, ouderdomme die Here saam loof? Hoe kan jy die hemel aarde toe bring deur jou dade? Me, Earl and the Dying Girl Greg se ma dwing hom om vriende te maak met n meisie wat hy op n tyd geken het. Sy is pas met leukemia gediagnoseer en Greg word uitgedaag om met nuwe oë na haar en haar siekte te kyk. Hoe kyk jy na ander mense wat anders is as jy? Kan jy dink aan n geleentheid toe jy iemand beter leer ken het wat daartoe gelei het dat jou siening oor hulle heeltemal verander het?