Regulamento do cemiterio municipal do Barco de Valdeorras

Transcription

1 Regulamento do cemiterio municipal do Barco de Valdeorras TITULO I.- DISPOSICIÓNS XERAIS Artigo 1.-O Concello do Barco de Valdeorras ten nestes momentos un Cemiterio Municipal, situado na rúa Juan Giral. Ao Concello lle corresponde a súa administración, dirección e coidado, salvo naquelo que sexa competencia doutras autoridades e organismos. Artigo 2.- Corresponden ao Concello as seguintes funcións: a) A organización, conservación e acondicionamento do Cemiterio, así como as construcións funerarias, dos servizos e instalacións. b) A autorización a particulares para a realización de calquera tipo de obras no Cemiterio ou as instalacións, así como a súa dirección e inspección. c) A concesión e outorgamento de dereitos funerarios sobre parcelas de terro, panteóns, sepulturas, etcétera. d) A percepción dos dereitos e taxas que se establezan legalmente. e) A vixianza e o estrito cumprimento das medidas sanitarias e hixiénicosanitarias vixentes. f) A existencia e cumprimentación dun Libro de Rexistro de Servizos, no que, por orden cronolóxico e permanentemente actualizado, inscribiránse as inhumacións, exhumacións e reinhumacións realizadas. g) A existencia dun Libro de solicitudes de nichos ou columbarios. h) Calquera outra que, legal ou reglamentariamente, se determinen. Artigo 3.-Ao Sr. Concelleiro Delegado do Cemiterio, nomeado polo Sr. Alcalde Presidente do Concello, lle corresponde a inspección e dilixencia xeral sobre o Cemiterio Municipal, os seus empregados e normas. TÍTULO II. FUNCIÓNS DO PERSOAL AO SERVIZO DE CEMITERIO Artigo 4.-O/a funcionario/a responsable do Servizo do Cemiterio terá as seguintes funcións: a) Levar o control de todas as inhumacións, exhumacións ou traslado de cadáveres e restos cadavéricos, esixindo que aporte a documentación debida, autorizada e en forma. b) Instar aos particulares a presentación da licenza municipal para a realización de calquera obra. c) A cumprimentación dun Libro de Rexistro, no que, por orde cronolóxica, se inscribirán as inhumacións, exhumacións e reinhumacións realizadas. d) A vixianza e estrito cumprimento das medidas sanitarias e hixiénicosanitarias, así como do Regulamento de Policía Sanitaria Mortuoria vixente.

2 Artigo 5.-O resto do Persoal que traballe no Cemiterio terá as seguintes funcións: a) Encargaranse da limpeza e coidado do recinto. b)por parte da Policía Municipal procederase á apertura e o peche do Cemiterio no horario establecido. Artigo 6.-O Concello subministrará a estes traballadores o equipo adecuado para as operacións que se deben realizar, tanto no vestiario como nos utensilios necesarios. TÍTULO III.- DA ADMINISTRACIÓN DO CEMITERIO Artigo 7.- A Administración do Cemiterio Municipal estará ao cargo do Servizo de Cemiterio do Concello. Artigo 8.- Corresponden ao Servizo do Cemiterio as seguintes competencias: a)expedir as licenzas de inhumacións, exhumacións e traslados. b)levar o Libro-Rexistro de inhumacións e o ficheiro de sepulturas, nichos, etc. c)practicar os asentos correspondentes en todos os Libros-Rexistro d)expedir os títulos e anotar as transmisións, de acordo cos decretos municipais correspondentes. e)liquidar os dereitos e taxas por prestación dos servizos funerarios do Cemiterio, de conformidade coa ordenanza fiscal correspondente. f)formular aos Órganos Municipais as propostas necesarias en relación con aqueles puntos que se consideren oportunos para a boa xestión dos servizos do Cemiterio Municipal. g)calquera outra función relacionada cos servizos do Cemiterio que non estea atribuída expresamente a outro órgano municipal. Artigo 9.- Nin o concello nin ningún outro dos seus órganos, nin o persoal asumirán responsabilidade algunha respecto aos roubos e desperfectos que poidan cometerse por terceiros nas sepulturas e obxectos que se coloquen no cemiterio, aparte dos casos previstos na lexislación vixente. Os persoal do Cemiterio non se fará responsable da rotura no momento de abrir as lápidas colocadas por particulares. TÍTULO IV.- DO ORDEN E GOBERNO INTERIOR DO CEMITERIO MUNICIPAL Artigo 10.- O Cemiterio Municipal permanecerá aberto no horario que se determine, de acordo coas circunstancias de cada época do ano. O horario de apertura e peche será disposto nun lugar visible da entrada principal. Artigo ) Non se permitirá a entrada ao Cemiterio de ningunha clase de animais que poidan perturbar o recollemento e bo orde. Tampouco se permitirá

3 o acceso a vehículos, salvos os municipais de servizo, marmoristas e entrada de materiais. 2) En todo caso, os propietarios dos citados medios de transporte serán responsables dos desperfectos producidos nas vías ou instalacións do Cemiterio, e estarán obrigados á súa inmediata reparación ou, no seu caso, á indemnización dos danos causados. 3) A entrada de materiais, así como as obras que sexan realizadas por particulares deberán executarse no horario de apertura ao público, e deberán contar coa licenza correspondente. Artigo 12.- No caso de que os particulares incumprisen o deber de limpeza e conservación das sepulturas cando se aprecie estado de deterioro, requirirase ao titular e, si este non realizase os traballos no tempo sinalado, o Concello poderá realizalos de xeito subsidiario, ao cargo do titular correspondente. Artigo 13.- Impedirase a entrada ao Cemiterio de toda persoa ou grupo que, polos seus xestos, comportamentos ou outros motivos ostensibles, poida perturbar a tranquilidade do recinto ou alterar as normas de respecto inherentes a este lugar. TÍTULO V.- INHUMACIÓNS, EXHUMACIÓNS E REINHUMACIÓNS Artigo 14.-As inhumacións, exhumacións e reinhumacións efectuaranse de acordo coas normas do Regulamento de Policía Sanitaria Mortuoria e de acordo co disposto nos artigos seguintes. Artigo 15.- Non se poderá proceder á inhumación dun cadáver antes das 24 horas do pasamento, nin despois das 48 horas, salvo nos supostos expresamente contemplados na Lei. Artigo 16.- Nos casos en que previamente se practicara a autopsia ou se obtiveran tecidos, órganos ou pezas anatómicas para transplante, poderase autorizar a inhnumación do cadáver antes de que pasaran 24 horas. Artigo 17.-Queda prohibida a exhumación de cadáveres de persoas falecidas por as seguintes causas: -Enfermidades altamente infecciosas. -Enfermidades por contaminación de produtos radioactivos. -Causas de orixe descoñecida, ou que podan considerarse transmisibles. -Outras determinadas pola Administración Sanitaria, cando determinadas circunstancias epidemiolóxicas o fagan necesario. Artigo 18.- Os cadáveres sen embalsamar de persoas que faleceran por calquera outra circunstancia e os restos cadavéricos non poderán ser exhumados durante os meses de xuño a setembro, ambos inclusive. Tampouco poderán ser

4 exhumados os mencionados cadáveres antes de transcorridos dous anos dende a súa inhumación. Cando nos casos previstos no parágrafo anterior se dean circunstancias que así o aconsellen, e sempre que a reinhumación vaia realizarse no mesmo cemiterio, poderá autorizarse a exhumación do cadáver polas autoridades sanitarias da Xunta de Galicia. Transcorrido o prazo de dous anos, só será necesaria dita autorización cando a reinhumación vaia realizarse fora do mesmo Cemiterio. Artigo 19.- Canda a reinhumación vaia realizarse no mesmo Cemiterio e o féretro estea en mal estado, deberá substituírse por outro común. Si a reinhumación vai levarse a cabo nun lugar diferente, o féretro, ao marxe do seu estado, substituirase por un de traslado. No suposto de restos cadavéricos, substituirase sempre por unha caixa de restos. Artigo 20.- A autorización de exhumación de cadáveres, cando sexa necesaria, solicitarase por algún familiar do defunto, acompañando a partida de defunción literal do falecido cuxa exhumación se pretenda ou, no seu defecto, certificación do Rexistro Civil acreditativa de que a causa fundamental da morte non se atopa incluída entre as especificadas no Artigo 17 deste Regulamento. Artigo 21.- Toda inhumación, exhumación ou reinhumación realizarase coa autorización expedida polos servizos municipais e das autoridades sanitarias correspondentes non casos que sexan necesarios. Artigo 22.- Toda exhumación deberá realizarse seguindo as normas hixiénicas e sanitarias axeitadas para cada caso. O persoal encargado de súa execución deberá usar guantes resistentes e mascarillas. TITULO VI.- FOSAS, NICHOS, COLUMBARIOS E PANTEÓNS Artigo 23.- As fosas, nichos e columbarios deberán reunir como mínimo as seguintes condicións: a)as fosas terán como mínimo 2 metros de profundidade, 0,80 metros de ancho e 2,10 metros de largo, cun espazo mínimo de separación de 0,80 metros entre unhas e outras, e con reserva de sepulturas especiais de ata 2,30 metros de largo. A profundidade mínima de enterramento será de 1 metro, a contar desde a superficie na que repousará o féretro ata a rasante do terreo sobre o que se apoiará a lápida e o monumento funerario. b)os nichos terán como mínimo 0,80 metros de ancho, 0,65 de alto e 2,40 metros de profundidade, a súa separación será de 0,28 metros en vertical e 0,21 metros en horizontal, e a súa altura máxima será a correspondente a 4 filas. O Concello encargarase da construcción dos nichos, e procederá á súa entrega, totalmente rematados e sen posibilidade de cambios estructurais ou estéticos.

5 c)os columbarios terán como mínimo 0,40 metros de ancho, 0,40 metros de alto e 0,60 metros de profundidade. As inscricións que se practiquen neles adecuaranse ás instrucións que dite o persoal do Cemiterio por orde do Concelleiro Delegado. d)os panteóns serán construídos polos particulares que o soliciten, a cuxo efecto presentarán un proxecto técnico do mesmo, e deberán reunir as adecuadas condicións de sanidade ambiental e cumprir a normativa vixente sobre sanidade mortuoria, así como as Ordenanzas Municipais. Artigo ) A capacidade das fosas será a que determine o Concello no momento da súa construccion. Non obstante dita capacidade nas fosas sobre as que se concedan dereitos funerarios de carácter perpetuo, poderá ampliarse pola refundición de restos cadavéricos, e dicir, lo que queda do corpo humano unha vez rematados os fenómenos de destrución da materia orgánica, unha vez transcorridos os 5 anos seguintes á morte real. 2) A ampliación da capacidade de tales fosas deberá solicitarse ao Concello, que o considerará sempre que exista capacidade material, que se acreditará por informe do Servizo do Cemiterio, oído sempre o Conserxe do mesmo, e concederase por Decreto de Alcaldía. Será ilimitada a ampliación de sepulturas por refundición de restos cadavéricos, sempre que exista capacidade material nas mesmas. 3) A capacidade previamente determinada das fosas queda limitada por aplicación da normativa vixente relativa á profundidade mínima de enterramento. Nestes casos, serán por conta do titular os gastos de refundición de restos necesaria para obter a capacidade xa determinada. TÍTULO VII.- DOS DEREITOS FUNERARIOS Artigo 25.-O dereito funerario comprende as concesións e arrendamentos aos que refire o presente título. Os dereitos funerarios serán outorgados e recoñecidos polo Concello, de acordo coas súas ordenanzas e coas normas xerais sobre contratación local. Artigo 26.- Todo dereito funerario inscribirase no Libro Rexistro, acreditándose as concesións mediante un contrato, que se axustará ao disposto na normativa vixente. Artigo 27.- O dereito funerario implica só o uso das sepulturas e columbarios do Cemiterio, cuxa titularidade dominical corresponde unicamente ao Concello. O dereito funerario así definido terá por causa e finalidade o enterramento de cadáveres e restos humanos, e polo tanto só poderá obterse no momento da defunción e nos supostos de traslado de restos cadavéricos e no suposto de inhumación de cinzas.

6 Artigo 28.- O dereito funerario pode ser de carácter perpetuo ou de carácter temporal. 1)Entendese por dereito funerario de carácter perpetuo as concesións de terreos, sepulturas ou columbarios por tempo indefinido que adxudique o concello a: a)a nome dunha persoa física. b)a nome dunha comunidade ou asociación relixiosa ou establecemento asistencial ou hospitalario, recoñecidos pola Administración Pública, para uso exclusivo dos seus membros e dos seus beneficiarios ou acollidos. c)a nome dos dous integrantes do matrimonio no momento da primeira adquisición. 2) Entendese por dereito funerario de carácter temporal as concesións efectuadas nas mesmas condicións que as sinaladas no apartado anterior, coa única diferenza de que o tempo de duración da concesión será de 5 anos. Artigo 29.-En ningún caso poderán ser titulares de concesións, ni de ningún outro dereito funerario, as compañías de seguros de previsión e similares. Artigo 30.-As inhumacións en fosas sobre as que se houberan concedido dereitos funerarios de carácter temporal, serán dun só corpo, e non poderá solicitarse o traslado de restos mentres non transcorra o período de duración da concesión. Artigo 31.-Unha vez terminado o período da concesión de dereitos funerarios de carácter temporal, procederase a evacuar a sepultura, sendo por conta municipal o traslado dos restos ao osario xeral. Artigo 32.-Nas fosas nas que se concederan dereitos funerarios de carácter temporal, non se poderá colocar ningunha lápida ou monumento, e tan só constará que son de propiedade municipal. Non obstante, si poderán colocarse epitafios de carácter non permanente para indicar o nome do defunto. Artigo 33.-No caso de pasamento de indixentes, e previo informe dos Servizos Sociais Municipais, o Concello farase cargo de todos os gastos da inhumación. Artigo 34.-Cada un dos solicitantes de nichos en concesión poderá optar unicamente a dúas unidades por familia (parella e fillos solteiros), e establecese a posibilidade de agrupar solicitudes en caso de familias directas. A concesión de dereitos funerarios de carácter perpetuo ou temporal axustarase ao seguinte procedemento, por este orden: 1º)Instancia presentada polo interesado, solicitando a concesión dos dereitos funerarios de carácter perpetuo ou temporal. 2º)Informe do Servizo do Cemiterio do Concello. 3º)Ditame da Comisión de Obras do Concello.

7 4º)Ingreso por parte do solicitante do 30% das taxas e dereitos previstos na Ordenanza correspondente. 5º)Concesión do dereito funerario de que se trate, por parte da Xunta Local de Goberno. 6º)Liquidación do 70% das taxas e dereitos previstos na Ordenanza correspondente. 7º)Expedición, por duplicado, do Contrato de Concesión do dereito funerario de que se trate, co modelo aprobado polo Concello. TÍTULO VIII. DA TRANSMISIÓN DOS DEREITOS FUNERARIOS. Artigo 35.- As sepulturas e calquera tipo de construción que exista no cemiterio consideraranse bens fora de comercio. En consecuencia, non poderán ser obxecto de compravenda, permuta ou transacción de ningunha clase. Só serán válidas as transmisións previstas neste Regulamento. Artigo 36.- De conformidade co establecido no artigo anterior, ao producirse a morte do titular dun dereito funerario, terán dereito á transmisión o seu favor, por este orden: os herdeiros testamentarios; o conxuge supervivente ou, si falta, as persoas as que corresponda a sucesión intestada. Se o causante houbera instituído diversos herdeiros ou si non houbese conxuges supervivente e diversas persoas resultasen herdeiras, a titularidade do dereito funerario será recoñecida a favor do coherdeiro que por maioría designen os restantes. Se non fose posible a maioría, o dereito será recoñecido a favor do coherdeiro de maior idade. Artigo 37.-Consideraranse válidas as cesións, previo pago das taxas correspondentes, a favor de familiares do titular en liña directa e colateral ata carto grado, ambos por consanguinidade e ata o segundo grado por afinidade, así como o efectuado a conxuges ou persoas que acrediten lazos de afectividade e convivencia co titular por un mínimo de cinco anos anteriores á transmisión. Así mesmo, estimaranse válidas aquelas que se definan a favor de entidades benéficas ou relixiosas con personalidade xurídica segundo a lei. Artigo 38.- As sucesivas transmisións dun dereito funerario non alterarán a duración do prazo para o cal foi inicialmente concedido. Artigo 39.- O titular dun dereito funerario poderá renunciar sempre que na sepultura ou columbario correspondente non haxa restos inhumados. TÍTULO IX. DA PÉRDIDA OU CADUCIDADE DOS DEREITOS FUNERARIOS Artigo 40.-Decretarase a perda ou caducidade do dereito funerario, con reversión do correspondente columbario ou sepultura ao Concello nos seguintes casos:

8 a) Por estado ruinoso da edificación, declarado co informe técnico previo, e o incumprimento do prazo que se sinale ao titular para a súa reparación e acondicionamento, previa tramitación do expediente, con audiencia ao interesado. b) Por abandono. Considerarase como tal o transcurso de cinco anos desde a morte do titular sen que os herdeiros ou persoas subrogadas por herencia ou outro título, instaran a transmisión o seu favor. Si os herdeiros ou persoas subrogadas por herencia ou outro título comparecesen instando á transmisión, e a sepultura estivese nun estado deficiente, deberá ser acondicionada nun prazo de seis meses, transcorrido o cal sen realizarse as reparacións necesarias, decretarase a caducidade do dereito funerario, con reversión ao Concello. c) Por falla de pago dos dereitos ou taxas dentro dos prazos correspondentes, sempre cun mínimo de 5 anos. d) Por renuncia expresa do titular. e) Por transcurso do período de concesión dos dereitos funerarios. DISPOSICIÓNS ADICIONAIS 1)Se no momento da aprobación deste Regulamento (ou no caso de ampliacións do Cemiterio unha vez cheo o que estea en funcionamento) houbese lista de espera para a obtención de dereitos funerarios, o Concello respectará o orde de entrada nas listas de espera. A eleccións dos nichos levarase a cabo por rigoroso orde tomando como referencia a data de entrada da solicitude no Concello- e sen saltos non xustificados. 2)Dado que hai dereitos funerarios en vigor que están neste momento a nome de persoas que xa faleceron, ou descoñecidas, a todos eles se lles aplicará o artigo 40, apartado b), dende a aprobación deste Regulamento, para que se proceda á identificación e actualización, ante este Concello, dos titulares deses dereitos. Para a actualización procederase de acordo co establecido nos artigos 36, 37 e 38 deste Regulamento. 3)Nas materias non previstas neste Regulamento, estarase ao disposto no Regulamento de Policía Sanitaria Mortuoria vixente. DISPOSICIÓN FINAL O presente Regulamento entrará en vigor ao seguinte día da súa publicación no Boletín Oficial da Provincia.