AS ECONOMISTAS QUE REVOLUCIONAN A ECONOMÍA ACTUAL Mostra bibliográfica con motivo do 8 de marzo, Día internacional das mulleres Marzo 2017 Facultade de Economía e Empresa da Universidade da Coruña Biblioteca
Facultade de Economía e Empresa. Biblioteca. Universidade da Coruña Selección baseada en: Bird M.(13 de nov. de 2015).The 13 women who transformed the world of economics. Business Insider
AS ECONOMISTAS QUE REVOLUCIONAN A ECONOMÍA ACTUAL Con esta mostra bibliográfica pretendemos dar visibilidade ao traballo da muller no eido da economía, unha disciplina tradicionalmente dominada por homes, pero que hoxe en día son moitas as mulleres que están a facer achegas máis que relevantes. Sen embargo, a pesar disto, cústalles moito máis ser recoñecidas. Cando, por exemplo, son coautoras de algún estudio poucas veces son nomeadas e dáselles o crédito aos seus colegas varóns, segundo sinala Justin Wolfers, no artigo Even Famous Female Economists Get No Respect publicado no New York Times e que foi de gran repercusión na prensa económica e redes sociais. A pesar dos atrancos, o traballo das mulleres economistas ten cada vez máis impacto no seu ámbito. Como mostra, os que seguen son algúns exemplos de mulleres que están no punto de mira da investigación económica actual. Biblioteca da Facultade de Economía e Empresa da UDC 8 de marzo de 2017
Anna Jacobson Schwartz É unha das co-autoras de libros económicos menos coñecidas e a súa obra é quizais una das máis influentes sobre economía monetaria escritas despois da Segunda Guerra Mundial. En 1963 escribiu xunto co futuro gañador do Premio Nobel de economía Milton Friedman, Historia Monetaria dos Estados Unidos 1867-1960. A pesar de que o libro foi un dos argumentos para o premio Nobel, este non foi compartido polos dous autores. Obra destacada A monetary history of United States, 1867-1960 / Milton Friedman, Anna Jacobson Schwartz Princeton : University, 1971
Deirdre McCloskey Coñecida ata 1995 como Donald N. McCloskey, actualmente é unha das historiadoras económicas máis prominentes do mundo. Os seus textos sobre os inicios da industrialización no Reino Unido constituíron parte importante do debate académico. Alcanzou renome mundial polos seus agudos análises do estado actual do capitalismo e a súa crítica ao papel dos economistas na sociedade. Fiel a súa defensa do libre mercado, a mediados de 2014 foi unha das críticas máis prominentes do profesor Thomas Piketty. Obra destacada The vices of economists, the virtues of the bourgeoisie Amsterdam :Amsterdam University Press,1996
Dambisa Moyo Destacada economista proveniente de Zambia. Licenciada en química, obtivo un MBA e un mestrado na Universidade de Harvard, posteriormente doutorouse en economía na Universidade de Oxford. Foi consultora do Banco Mundial e traballou para Goldman Sachs e Barclay s. É unha destacada crítica en cuestión relacionadas coa macroeconomía, asuntos internacionais e particularmente da axuda ao desenvolvemento para os países de baixos ingresos. Afirma que estes países non deben confiar na axuda exterior para estimular o seu desenvolvemento e deberían explotar outras fontes de crecemento. O seu libro Dead Aid: Why Aid Is Not Working and How There Is a Better Way for Africa foi un best-selller sobre o tema. Obra destacada: Dead Aid: Why Aid Is Not Working and How There Is a Better Way for Africa New York :Farrar, Straus and Giroux,2009
Carmen Reinhart Quizais a máis influente macroeconomista viva do planeta. Tras formarse na Universidade de Columbia, traballou como economista xefe de Bear Sterns, no Fondo Monetario Internacional e en Harvard. É coautora de Esta vez é distinto: oito séculos de necidade financeira e o coñecido artigo de America Economic Review Growth in a Time of Debt. É unha das abandeiradas en políticas de austeridade tras a crise financeira de 2008 Obra destacada: This time is different : eight centuries of financial folly / Carmen M. Reinhart, Kenneth S. Rogoff. Princeton : Princeton University Press,[2009]
Janet Yellen Non só é unha das economistas de investigación máis frecuentemente citadas no mundo, senón que ademais ao presidir a Reserva Federal de Estados Unidos ocupa o máis poderoso cargo económico do mundo. Antes de dirixir a FED traballara como profesora de economía e desde 2010 foi a súa vicepresidenta. Tamén presidiu o Consello de Asesores Económicos de Bill Clinton. Obra destacada: The fabulous decade : macroeconomic lessons from the 1990s /Alan S. Blinder and Janet L. Yellen. New York :The Century Foundation Press,[2001]
Christina Romer Foi a segunda muller que presidiu o Consello de Asesores Económicos do presidente de Estados Unidos, baixo o goberno de Obama (2009) nun momento en que a economía do país atopábase nunha profunda depresión. A súa investigación máis famosa referíase a a gran depresión e a posterior recuperación, que atribúe en gran parte aos cambios de política monetaria, minimizando o papel da política fiscal. Obra destacada Reducing inflation motivation and strategy / edited by Christina D. Romer and David H. Romer Chicago: University of Chicago Press,[1997]
Elinor Ostrom Foi a única muller que gañou un Premio Nobel de Economía. Foi disuadida de perseguir un doutoramento en economía e no seu lugar fixo un en ciencias políticas. No entanto, o seu traballo sobre gobernación económica, especialmente dos recursos compartidos, fíxoa merecedora do galardón en 2009. Pertenceu á escola de nova economía institucional, que foi desenvolvida na década de 1930 e que se popularizou no ámbito académico despois de 1975. Faleceu o 12 de xuño de 2012 aos 78 anos. Obra destacada El gobierno de los bienes comunes: la evolución de las instituciones de acción colectiva / Elinor Ostrom Mexico :FCE,2011 (2ª ed. en español)
Esther Duflo Economista francesa, cofundadora e directora do Abdul Latif Jameel Poverty Action Lab 1 é profesora de Redución da Pobreza e Economía do Desenvolvemento no MIT. As súas investigacións céntranse en aspectos microeconómicos de países en vías de desenvolvemento, incluíndo o comportamento das familias, educación, acceso a financiamento, saúde e avaliación de políticas públicas. En 2010 recibiu a Medalla John Bates Clark a economistas menores de 40 anos que se considera que fixeron unha contribución moi significativa ao pensamento e coñecemento económico. Obra destacada Repensar la pobreza : un giro radical en la lucha contra la desigualdad global / Abhijit Vinayak Banerjee, Esther Duflo Barcelona : Taurus, 2012