9 UE. Boletín. Novas. Convocatorias e socios. Bolsas. Cidadanía. Europa a fondo. Publicacións. Axenda. Quen somos: Qué facemos: ónde estamos

Transcription

1 Boletín Boletín nº60 de 19/03/ UE Centro Oficial de Información da Comisión Europea Novas Convocatorias e socios Bolsas Cidadanía Europa a fondo Publicacións Axenda Quen somos: Un equipo de persoas que responderán as túas preguntas sobre a Unión Europea. Formamos parte dunha rede de máis de 500 centros Europe Direct distribuídos polos 28 países da Unión Europea Qué facemos: Ofrecer información e asesoramento sobre as institucións da UE, os programas europeos, as bolsas e vacantes en Europa. Ademais, as buscas de socios para proxectos europeos, o apoio aos teus eventos sobre a UE ónde estamos Diputación de A Coruña c/alférez Provisional, nº A Coruña Contáctanos europedirect@dicoruna.es tel: fax: Suscripción gratuita aquí Síguenos en:

2 Novas Europe Direct A Coruña acolle a xornada Asociación Transatlántica de Comercio e Investimento (TTIP). Un acordo comercial para ampliar o teu mercado nos EEUU para dar a coñecer a repercusión do acordo e analizar as súas vantaxes e inconvenientes. Malmström, comisaria de Comercio, avoga por mellorar o tribunal de arbitraxe para disputas no Acordo de Comercio TTIP. Cre que só un tribunal público á marxe dos sistemas nacionais pode garantir os intereses europeos. O Banco Central Europeo inaugura oficialmente a súa nova sede coincidindo coa celebración das reunións periódicas do Consello de Goberno e do Consello Xeral. Loita contra a elusión do imposto de sociedades: a Comisión presenta o Paquete sobre Transparencia Fiscal A 4ª sesión da Asemblea Parlamentaria Euronest ten lugar esta semana en Ereván, Armenia. Os debates abordan como mellorar as relacións entre a UE e os seus veciños orientais, a seguridade enerxética e a agresión de Rusia a Ucraína. Convocatorias e socios Convocatorias Investigación e Innovación H2020-ECSEL RIA-two-stage - Convocatoria de propostas referente ao programa de traballo do ECSEL Joint Undertaking Investigación e Innovación H2020-ECSEL IA-two-stage - Convocatoria de propostas referente ao programa de traballo do ECSEL Joint Undertaking Emprego, Asuntos Sociais e Inclusión VP/2015/002: Medidas de información e formación para as organizacións de traballadores Outras axudas (AAL) Convocatoria AAL 2015: Vivindo activamente e independentemente en casa

3 Procura de socios Educación. Italia. O instituto Saluzzo-Plana de Alessandria, Piemonte (Italia) busca socios para un proxecto Erasmus+, dentro da acción KA2. Educación. Turquía Este proxecto busca potenciar a comunicación entre pais e profesores mediante a producción de aplicacións móbiles para smartphones e tabletas. Bolsas Bolsas 23/03/2015: Bolsas Iniciación na Empresa Fundación SEPI /03/2015 ás 17.00: Oferta de prácticas na Autoridade Europea de Control Alimentario en Parma (Italia) 04/04/2015: Bolsas formación en Axencia Turismo de Galicia 05/04/2015: Resolución do 9 de marzo de 2015, do Instituto de Astrofísica de Canarias, pola que se convocan bolsas de verán para a formación en desenvolvemento tecnolóxico dirixidas a recentemente licenciados e a estudantes universitarios de titulacións superiores, que estean a cursar os últimos cursos da carreira. 05/04/2015: Resolución do 16 de febreiro de 2015, da Secretaría de Estado de Educación, Formación Profesional e Universidades, pola que se convocan bolsas para a participación nun programa intensivo de inmersión lingüística en inglés en España, destinadas a estudantes de Bacharelato, de Grao Medio de Formación Profesional, de Artes Plásticas e Deseño, de Ensinos Deportivos, de Ensinos Profesionais de Música e Danza e de Idiomas de Nivel Intermedio e Avanzado para o ano /04/2015: II Bolsa de Dirección de Fotografía en Cinema EFTI 11/05/2015: I Convocatoria de Bolsas Fundación Universia Máster en Tecnoloxías Accesibles da UNIR 15/05/2015: Prácticas no Parlamento Europeo 20/05/2015: Axudas Fundación BBVA 2015

4 Oferta de prácticas de tradución (portugués, francés, etc.) na Autoridade Bancaria Europea en Frankfurt (Alemaña) Vacantes Vacante para cubrir un posto de axente temporal na Axencia Europea de Seguridade Aérea en Colonia (Alemaña). Data límite: 26/03/2015 Vacante para cubrir posto de axente temporal grao AD7 na Axencia Europea de Medio en Copenhague (Dinamarca). Data límite: 30/03/2015 Vacante de axente contractual, especialista en recursos humanos, na Autoridade Europea de Control Alimentario en Parma (Italia). Data límite: 31/03/2015 Vacantes de diversos postos no Banco Europeo de Investimentos (BEI) en Luxemburgo Vacante de experto nacional con estudos de informática na Axencia Europea de Seguridade Marítima en Lisboa (Portugal). Data límite: 01/04/2015 Vacante de persoal temporal grao AD5 con estudos de Dereito na Axencia Europa de Seguridade Marítima en Lisboa (Portugal). Data límite: 10/04/2015 Vacantes de diversos postos na Axencia Europea de Seguridade e Hixiene no Traballo en Bilbao (España) Vacantes de diversos postos en EUROJUST, a Unidade de Cooperación Xudicial da Unión Europea na Haia (Holanda) Vacantes de diversos postos en Europol, a Oficina de Policía Europea na Haia (Holanda) Vacante dun posto temporal de especialista legal en recursos humanos, grao AD 6-7, na Oficina de Armonización do Mercado Interior en Alacante (España). Data límite: 30/03/2015 Vacante dun posto permanente como subdirector, grao AD5, no SatCen, Centro de Satélites da Unión Europea en Torrejón de Ardoz (España). Data límite: 25/03/2015

5 Cidadanía Hoxe charlamos con Mª del Carmen Buitrón Pérez, coordinadora dun proxecto etwinning M da Carmen Buitrón Pérez profesora de matemáticas no CPI Viaño Pequeno da localidade de Trazo (A Coruña) participou en diversos seminarios permanentes e grupos de traballo dentro do ámbito educativo. Foi coordinadora do grupo de profesoras e profesores gañador do primeiro premio ao mellor proxecto didáctico 2010 convocado polo programa Prensa-escola de La Voz de Galicia. Ademais actuou en calidade de relatora en distintos cursos e congresos autonómicos como nas 15 JAEM (Xornadas nacionais de Aprendizaxe de Educación Matemática). Europe Direct A Coruña: etwinning é unha iniciativa europea que promove a colaboración escolar en Europa utilizando as tecnoloxías da información e a comunicación (TIC). O centro C.P.I. Viaño Pequeno de Trazo, no que vostede é profesora, sumouse a esta iniciativa con etwinautas nas cidades (in)visibles. Como xurdiu a idea de participar neste proxecto e en que consiste? María a Carmen Buitrón: A idea xorde en primeiro lugar por mor de coñecer etwinning, que pon ao dispor dos seus integrantes (profesores europeos e dalgúns países que se van incorporando) unha plataforma a través da cal se poden comunicar e desenvolver proxectos conxuntos, sendo ademais este un sitio seguro de contacto entre os estudantes. Doutra banda, Olga, profesora da República Checa, e eu mesma (socias fundadoras do proxecto) somos profesoras de matemáticas, e coincidimos na idea de que o noso alumnado debe ser capaz de recoñecelas no mundo que lles rodea e por tanto parécenos interesante estudalas relacionándoas coa arte, a música, o teatro, a historia, a literatura, etc. O título do proxecto tamén ten a súa importancia pois parte do dun libro: As cidades invisibles de Italo Calvino, pertencente ao grupo OULIPO, escritores que xogaban e usaban as matemáticas nas súas obras. O proxecto consiste en estudar monumentos e cidades desde diferentes puntos de vista para coñecer e valorar a parte invisible que se esconde detrás. Á hora de empezar a traballar preguntámonos como debiamos elixir eses monumentos ou cidades. Pareceunos oportuno acudir a un organismo especializado e de incuestionable criterio como a UNESCO. Así tomamos a decisión de traballar con monumentos ou cidades catalogados como Patrimonio da Humanidade, o cal nos parecía un tema importante pois por riba de ideoloxías e culturas hai un patrimonio que conservar que xa non pertence aos países e criamos que canto máis o coñecesen máis implicados estarían na súa conservación. Desgraciadamente

6 o tempo deunos a razón co que está a pasar agora mesmo en Iraq. Despois de facer este proxecto, tanto o profesorado como o alumnado estamos especialmente impactados. No proxecto mesturáronse a probabilidade, a poesía de Machado, a música de Bedřich Smetana e outros compositores, unha xeometría non euclídea, a liga Hanseática, a pintura, o paternalismo industrial, etc. ED A Coruña: Neste proxecto os alumnos teñen a oportunidade de comunicarse e establecer relacións con outros mozos de distintas nacionalidades europeas. Cal era o rango de idade dos estudantes e en que lingua se comunicaban? Coa súa participación no proxecto, melloraron as súas habilidades e capacidades persoais? Mª del Carmen: As alumnas e alumnos participaban na categoría de 16 a 19 anos e comunicábanse en español. Os centros participantes son, ademais de República Checa e nós, outro centro español de Formentera e un centro italiano (polo camiño perdemos a un centro noruegués co que tamén contactaramos). Tamén era unha idea básica do proxecto traballar as competencias do alumnado, entre elas a matemática por suposto pero tamén de maneira moi destacada o traballo colaborativo e todo o que supón de tolerancia, comunicación, valoración doutras culturas, coordinación, etc. Todo isto fíxose usando a plataforma twinspace e outras ferramentas TIC, pero basicamente a plataforma cuxo coñecemento e manexo permítelles seguir cursos e por tanto formándose ao longo da súa vida adulta. Calquera que puidese ver ás nosas alumnas e os nosos alumnos movéndose pola plataforma e manexando arquivos, ligazóns, respectando as fontes, buscando información estou segura de que se sorprendería. Por tanto podo asegurar que si, que aprenderon moito como así nos contan. Ademais dinnos que lles apetece viaxar ás cidades e gozar alí do aprendido. ED A Coruña: Desde a túa experiencia persoal como coordinadora do proxecto, existen grandes diferenzas entre os distintos sistemas educativos europeos vinculados ao proxecto? Mª del Carmen: Ao traballar cun só centro de cada país considero que non podo opinar e xeneralizar, pois podería equivocarme xulgando con tan pouca información. ED A Coruña: Parabéns por gañar o premio etwinning 2015 na categoría de 16 a 19 anos. En que consiste este premio? Cal cre que foi a clave do éxito do seu proxecto? Mª del Carmen: O premio consiste nunha viaxe a Bruxelas para 30 persoas do 6 ao 9 de maio. Alí é onde nos entregarán o noso galardón. Tentaremos ir só unha profesora ou profe-

7 sor por centro para que vaian o maior número de alumnos posibles. Realmente gustaríanos que fosen todas e todos, sobre todo os máis implicados pero non será posible. De todos os xeitos o premio, dada a súa categoría, xa formará parte do seu currículo. Penso que o éxito do proxecto débese a distintas compoñentes, a súa orixinalidade, o seu carácter interdisciplinar, o alto grao de colaboración e comunicación do alumnado, o nivel alcanzado polos estudantes no manexo das ferramentas informáticas, incluída a plataforma twinspace, a organización e o enorme esforzo realizado por todos, que polo visto saíu á luz. ED A Coruña: Moitas grazas pola súa colaboración. Mª del Carmen: Moitas grazas a vós que vos puxestes en contacto connosco e estades ao tanto destas noticias. Europa a fondo Vantaxes do TTIP para a PEME A Asociación Transatlántica de Comercio e Investimento (TTIP, polas súas siglas en inglés) creará novas oportunidades, tanto nos Estados Unidos como na UE. Estas oportunidades serán especialmente valiosas para a PEME, dado que os obstáculos comerciais tenden a supor unha carga desproporcionada para as empresas máis pequenas, que non teñen tantos recursos para superalos como as grandes. Entre os beneficios potenciais do TTIP para a PEME figuran os seguintes: Aranceis. Existen millóns de pequenos fabricantes e produtores en Europa e nos Estados Unidos, que producen aproximadamente o 30 % dos produtos que se exportan de ambos os dous mercados. Como consecuencia diso, a PEME están moi ben situada para beneficiarse da eliminación de aranceis que pretende lograr grazas ao TTIP. Naqueles sectores en que os aranceis son aínda relativamente elevados, os beneficios poderían ser considerables. No competitivo mercado mundial actual, mesmo pequenos aumentos nos custos dun produto debidos aos aranceis poden supor a diferenza entre vender ou non vender para a PEME. Nalgúns casos, a supresión dos aranceis podería permitir á PEME vender os seus produtos alén do Atlántico por primeira vez. Cuestións de regulamentación e barreiras non arancelarias. As pequenas empresas a ambos os dous lados do Atlántico poden verse desproporcionadamente afectadas as barreiras non arancelarias, que poden adoptar a forma de requisitos esixidos na fronteira ou de obstáculos «internos», tales como regulamentacións innecesariamente complicadas ou custosas que poden restrinxir o comercio e limitar a innovación. O respecto deses requisitos pode converterse en todo un reto e esixir a mobilización de numerosos recursos. Un obxectivo central e compartido da TTIP consiste en xerar unha maior apertura e transparencia, reducir os custos innecesarios e os atrasos administrativos e promover unha maior

8 compatibilidade regulamentaria, alcanzando os niveis de saúde, seguridade e protección do medio que cada parte considere apropiados e cumprindo outros obxectivos lexítimos da regulamentación. Ademais, o TTIP ten por obxecto garantir que as regulamentacións se elaboran de maneira que sexan máis eficientes, rendibles e compatibles mediante, por exemplo, a utilización das avaliacións de impacto e a aplicación de boas prácticas regulamentarias. Os avances conseguidos neste ámbito garantirán que se teña en conta no proceso de regulamentación a incidencia sobre a PEME, se reduzan os custos das empresas, e se abran potencialmente novos mercados para elas, tanto a ambos os dous lados do Atlántico como en todo o mundo. Servizos. A Unión Europea e os Estados Unidos son os maiores exportadores de servizos do mundo, e moitos provedores de servizos p. ex., avogados, contables, arquitectos, enxeñeiros, especialistas en tecnoloxías da información e consultores de servizos ambientais traballan nas empresas máis pequenas, que a miúdo forman parte da cadea de valor das grandes. Estes provedores de servizos máis pequenos poderían beneficiarse da maior seguridade xurídica e o novo acceso ao mercado que proporcionaría o TTIP. Contratación pública. A mellora da transparencia da contratación pública e o acceso a esta podería redundar, tamén, en beneficio das pequenas empresas. Un mellor acceso ao mercado en virtude do TTIP no relativo á contratación pública podería significar novos contratos e subcontratos públicos para as empresas máis pequenas. Iso é importante, xa que os organismos públicos tanto nos Estados Unidos como na Unión Europea adquiren unha ampla gama de bens e servizos das empresas do sector privado, o que conduce a crear oportunidades de emprego para as industrias que prestan servizos de consultoría, infraestrutura e outros produtos e servizos. Aduanas e facilitación comercial Aplicar uns custos máis reducidos e unha maior transparencia, e reducir a burocracia nas fronteiras, sería mesmo máis beneficioso para os pequenos exportadores e produtores así como para os pequenos comerciantes polo miúdo, almacenistas e empresas de loxística e transporte que para os seus competidores de máis tamaño. Un obxectivo clave das negociacións do TTIP é impulsar o comercio reducindo os custos e os atrasos innecesarios que sofren os operadores na fronteira, facendo que os procedementos correspondentes sexan máis previsibles, sinxelos e uniformes. As reformas en materia de aduanas e facilitación comercial a través do TTIP farían que fose máis fácil para a PEME participar no comercio transatlántico e fomentar o emprego a través deste. Dereitos de propiedade intelectual e industrial A PEME son tamén líderes en innovación e creatividade que impulsan a creación de emprego e o crecemento económico no mercado transatlántico. Así mesmo, precisan dun elevado nivel de protección dos seus dereitos de propiedade intelectual e industrial (DPI), porque a miúdo son moi vulnerables se se infrinxen eses dereitos. O TTIP servirá para reafirmar o compromiso transatlántico compartido de velar pola rigorosa protección e aplicación dos DPI da PEME, mesmo respecto dos nosos demais socios comerciais. Comercio electrónico. Internet está a permitir que millóns de PEME da EE.UU. e da UE cheguen aos clientes estranxeiros, provocando un incremento dos seus ingresos e o apoio á creación de emprego nas comunidades locais. É moito máis probable que a PEME que operan en liña exporten máis a clientes en numerosos países fronte aos seus homólogos

9 que non operan en liña. As disposicións do TTIP que promoven o trato dos produtos dixitais sen dereitos de aduana, e o acceso dos consumidores aos servizos e aplicacións da súa elección a través de internet pode axudar a que as PEME estadounidenses e europeas comerciantes polo miúdo e provedoras de servizos florezan no mercado en liña. Beneficios a través das cadeas de valor. Moitas pequenas empresas que non exportan directamente á UE ou aos Estados Unidos beneficiaranse a pesar de todo do TTIP mediante a venda dos bens e servizos intermedios a empresas que si comercian co outro lado do Atlántico. Deste xeito, a PEME poden beneficiarse do acordo, aínda cando non estean aínda exportando fóra do seu mercado nacional directamente. A PEME e o TTIP Os negociadores da EE.UU. e da UE están a traballar para garantir que a PEME estean en condicións de aproveitar plenamente as oportunidades que ofrecería un acordo. Como parte deste esforzo, os negociadores están a debater a inclusión dun capítulo dedicado ás cuestións relacionadas coa PEME. Este capítulo podería establecer mecanismos para que ambas as dúas partes traballen xuntas ao obxecto de facilitar a participación da PEME no comercio transatlántico unha vez que o TTIP entre en vigor. As disposicións poderían incluír tamén un comité da PEME que se comprometería coa iniciativa en favor das pequenas empresas e o desenvolvemento de información en liña e outros recursos para axudar á PEME a entender as disposicións do acordo e como beneficiarse deste. Un capítulo sobre a PEME tamén podería servir para reforzar a cooperación existente entre o Departamento de Comercio da EE.UU. e a Comisión Europea. Ese traballo ten por obxecto axudar á PEME a beneficiarse dos investimentos e o comercio transatlánticos a través de talleres e outros programas. A futura cooperación nun capítulo do TTIP PEME podería axudar á PEME a aproveitar mellor os compromisos existentes nas demais partes do TTIP e que poden ser de especial importancia para elas. Publicacións Tribunal de Contas Europeo: Facendo realidade o principio de economía mediante o control de custos das subvencións a proxectos de desenvolvemento rural financiadas pola UE Informe especial nº 22/2014 Dispoñible versión en castelán en pdf

10 Axenda 23/03/2015: Xornada Asociación Transatlántica de Comercio e Inversión (TTIP). Un acuerdo comercial para ampliar tu mercado en EEUU, Organizada por Europe Direct A Coruña e a Representación da Comisión Europea en España, A Coruña 26-27/03/2015: II Encontro Internacional de Xóvenes Emprendedores Universitarios. A Coruña 23/03/2015: Conferencia EYD 2015: Fomentar a participación dos axentes socioeconómicos na cooperación ao desenvolvemento. Bruxelas 23/03/2015: Convocatoria Europea en Tecnoloxías Auga: ERANET WATER WORKS. Xornada Informativa e de Traballo Jornada acuerdo UE-EEUU ónde estamos Diputación de A Coruña c/alférez Provisional, s/n A Coruña Contáctanos europedirect@dicoruna.es tel: fax: Suscripción gratuita aquí Síguenos en: