PAIOSACO A LARACHA CÓDIGO

Transcription

1 PAIOSACO A LARACHA CÓDIGO

2 Memoria 2016/2017 SUMARIO 1.- Introdución 2.- Memoria do E. Directivo A.- Instalacións B.- Dotación C.- Organización e funcionamento do Centro: Profesorado Adscrición Horarios Formación do profesorado Reunións de ciclo, equipos Alumnado Modificación horaria curso 2016/17 Actividades complementarias Biblioteca Tics Documentos do centro. Persoal de vixilancia e limpeza ANPA Concello Transporte escolar Actividades das tardes Libros de texto Comedor 3.- Memorias dos equipos 4.- Valoración final **Anexo I: Informe final convivencia 2

3 Memoria 2016/ INTRODUCIÓN Se ben o curso transcorreu con normalidade aparente, hai que sinalar que a situación de impas da normativa educativa coa paralización da LOMCE segue a provocar moitas dúbidas e desánimo no profesorado polo carácter de provisionalidade que lle confire esta paralización a todo o seu traballo. Modificar todos os documentos do centro para axustalos a unha norma que, segundo apuntan todos os indicios vai desaparecer, non é precisamente un elemento motivador senón máis ben todo o contrario e aínda así todo está feito. O ROC segue sen estar actualizado e os aspectos organizativos básicos nel recollidos como a composición e organización dos equipos de traballo e de coordinación como a CCP xa non se axustan ao nova realidade dos centros que coa desaparición dos ciclos vense na obriga de improvisar e chegar a acordos claustrais para conseguir unha organización estruturada. Aspectos importantes, como a elección de curso polos titores/as, dependen do que figure na orde de calendario de cada ano, que en principio mantén o dereito do alumnado de ter un titor durante dous cursos pero contradí a LOMCE (normativa de rango superior) que fala de cursos separados. Todo isto xera dúbidas e malestar que os equipos directivos teñen que capear sen unha normativa clara que facilite a toma de decisións e, sobre todo, coa colaboración do profesorado. Outro aspecto que incidiu negativamente no día o día do curso foi a deficiente conexión a internet, que afectou seriamente as tarefas tanto administrativas como as relacionadas coas Tics. Seguimos a pelexar por unha conexión de calidade e se ben a nós, parécenos que ten fácil solución posto que entre 300 e 800 metros xa existe canalización de fibra, ate o de agora non hai solución ao respecto. Todos os responsables do servizo coñecen a situación deficitaria do centro. En positivo, destacar a colaboración do profesorado e toda a comunidade educativa co equipo directivo asi como a sensibilidade e colaboración do Concello ante as nosas demandas que van máis aló en moitos casos, que simples actuacións de mantemento. 3

4 Memoria 2016/2017 MEMORIA DO EQUIPO DIRECTIVO A.-INSTALACIÓNS OBRAS REALIZADAS: Durante este curso, acometéronse varias obras no centro: Comedor escolar: Dende as vacacións de Nadal ata as de Semana Santa realizáronse obras nos antigos vestiarios do centro situados no semisoto do edificio administrativo a fin de acondicionalos como comedor escolar, de acordo a promesa feita no curso anterior tras a modificación horaria imposta pola Consellería. Ditas obras precisaron dun esforzo administrativo importante, posto que o equipo directivo ademais da supervisión das obras e a petición de apertura á administración, colaborou coa ANPA na organización e desenvolvemento de reunións informativas coas familias, nas negociacións coa empresa adxudicataria do servizo, na recollida das solicitudes presentadas e na elaboración de listas de usuarios, ademais da selección y adquisición de mobiliario. O servizo comezou a funcionar o 18 de abril e a media de usuarios diarios foi de 20 alumnos. Agradecer a colaboración do Concello da Laracha e da Xefatura Territorial representada na asesora da Unidade Técnica que foi sensible as nosas suxestións durante o proceso de reforma do local. De cara o curso 2017/18 estase a estudar a posibilidade de implantar o servizo de madrugadores coa colaboración do Concello dentro do programa Harmoniza da concellería de Servizos Sociais. Instalación de Estores anticalor nas aulas de E. Primaria: No mes de setembro instaláronse 12 estores nas aulas de E. Primaria que dan ao patio. Se ben algo melloran a situación, en días de calor, a temperatura das aulas segue a ser asfixiante. En setembro instalaremos estores no resto das aulas. Sinalización do centro: Dentro da revisión do plano de autoprotección que está a realizar o Concello da Laracha, realizouse a instalación de placas de sinalización exixidas polas normativas e das que carecía o centro. Alarma do centro: As peticións de instalación de alarma foron atendidos pola Xefatura Territorial e instalaron unha no primeiro trimestre de curso. Tamén revisaron e subsanaron as avarías da alarma sonora de incendios que non funcionaba dende hai anos. 4

5 Memoria 2016/2017 O centro, no mes de maio, e complementando a alarma de incendios, instalou unha sirena de alarma exterior, inexistente no centro. Pavillón: A instalación de ventiladores industriais e peche do tellado do pavillón realizados a principio de curso polo Concello, solucionou os problemas de humidade da pista polo que puidemos utilizalo como patio de recreo os días de metereoloxía adversa. OBRAS PENDENTES: Telefonía e conexión Internet: Pese a todos os intentos e reclamacións realizados, pese as numerosas visitas de diferentes técnicos, 32 visitas ao centro, a conexión a internet segue a ser deficitaria, 1,3Mb como moito e para iso non son estables. Dado que os teléfonos son por IP, os cortes de liña son frecuentes. O tempo de traballo perdido tentando arranxar a situación é incontable e o tempo perdido esperando a que as aplicacións informáticas funcionen aínda é máis. Todo isto repercute nas actividades tics, cada vez menos presentes, non por desexo do profesorado, senón por cansazo e aburrimento esperando poder abrir o arquivo máis sinxelo ou a páxina pertinente. As tarefas administrativas fanse eternas e a actualización dos equipos é case imposible de realizar, xa que no momento que un equipo se actualiza a liña queda saturada e xa non podemos traballar. De todo isto ten información tanto a Xefatura Provincial, como o asesor Siega, a UAC e incluso o concello da Laracha. A solución definitiva máis sinxela pasa por acometer unha obra civil que conecte a liña xeral que vai pola Avenida de Bergantiños que ten unha capacidade de ata 100 Mb co colexio (300m). No seu momento comentouse co Concello pero non ten responsabilidade en dita obra. Hai que lembrar unha vez máis que o centro só ten conexión por cable no edificio administrativo e nas aulas de 5º, 6º, PT e AL do edificio de primaria. O resto é conexión wifi e cun ancho de banda tan baixo a conectividade é moi deficiente. Fachada, telladiño e muro de peche: As peticións feitas á Xefatura Territorial en cursos anteriores referidas á renovación do muro de peche do colexio, á reparación das fendas das fachadas e á renovación do telladiño que une os dous colexios non tiveron resposta polo que unha vez máis, presentarase informe a Unidade Técnica. 5

6 Memoria 2016/2017 Sinalar que o responsable de zona deste servizo visitou o centro en dúas ocasións este curso e volveu ver in situ todo o que figura nos informes presentados con anterioridade. Dende o equipo directivo do centro seguiremos a solicitar todos os arranxos e melloras necesarias para o noso centro as autoridades pertinentes. Así mesmo, reenviará unha vez máis os informes de arranxo solicitados a Unidade Técnica. REPARACIÓNS E CONSERVACIÓN: CONCELLO: De cara ao próximo curso, solicitaranse ao Concello os seguintes arranxos, algúns dos cales xa foron solicitados e, en principio, aprobados en xullo de 2016 pero aínda non foron realizados: Revisión das ventás e substitución das cintas e lamas de persianas deterioradas. Substitución de cristais con fendas nas ventás do edificio de E. Primaria. Revisión e substitución dos fluorescentes que non funcionen. Se fose posible, substituír progresivamente a sistemas LED. Pintado das aulas que non se pintaron en xullo do 2016 do edificio de E. Primaria. Instalación dun calón para a recollida de pluviais no lado esquerdo do telladiño de comunicación xunto a entrada do edificio administrativo. Inspeccionar o parque infantil e realizar os arranxos necesarios nos diferentes elementos que garantan a seguridade de uso, xa que parte das madeiras que o forman apodreceron. Ampliar a malla de protección do muro de entrada do colexio. Revisión e reparación da rede de protección do campo de fútbol e revisión da suxeición das porterías do mesmo. Se fose posible, instalación dunha canastra de baloncesto na pista dianteira do colexio, demandada en varias ocasións polo alumnado. Aínda que non é unha obra pero afecta á seguridade do edificio, finalizar o Plan de Autoprotección en revisión pola técnica municipal. 6

7 Memoria 2016/2017 Labores de poda e acondicionamento das zonas verdes de cara a principio de curso. Limpeza xeral do centro incluídas ás ventás de cara a principio de curso, preferentemente antes do 1 de setembro. Información sobre as tarefas e horario a realizar polo persoal de conserxería e limpeza. Pavillón: Unha solución para o corredor lateral de acceso ás gradas que é moi esvaradío, solicitada xa desde o momento que se reformou o pavillón. Revisión da suxeición de porterías e canastras e substitución das redes das mesmas. Limpeza e reparación dos calóns de pluviais que reverten e botan auga para dentro os días de choivas abundantes. Limpeza xeral do mesmo de cara ao principio de curso, especialmente dos aseos. XEFATURA TERRITORIAL: Solicitarase unha vez máis o arranxo da fachada, o telladiño e o muro de peche do colexio á Xefatura Territorial. Substitucións dos sanitarios dos aseos do edificio de Primaria. Os existentes foron instalados en 1985, ano de construción do colexio, e pese as continuas reparacións de mantemento ( substitucións de gomas, arandelas, pulsadores, cisternas...), as avarías e perdas de auga son constantes polo deterioro propio de 32 anos de servizos prestados. Mellora da conexión de internet do centro que, nestes momentos, e pese á multitude de xestións realizadas ante todos os departamentos da consellería non chega a 1,5 Mbps de ancho de banda. Substitución da porta traseira do edificio administrativo por razóns de seguridade. B. DOTACIÓN Da petición formulada á Consellería, Da petición ordinaria para o centro non se recibiu nada. 7

8 Memoria 2016/2017 Da petición extraordinaria para o comedor, recibíronse mesas e cadeiras para 24 comensais. Da petición extraordinaria dun portátil para o servizo de orientación non tivemos resposta. Chegaron dous ordenadores de sobremesa no mes de xuño dunha petición feita no 2012/13 O centro adquiriu: Fondos bibliográficos en diferentes soportes a petición dos diferentes equipos. Material para a aula de informática e para a conservación dos equipos, Mobiliario e electrodomésticos para o comedor escolar. Pequenos mobiliario para almacenamento e ordenación. A ANPA, a través dun convenio coa entidade bancaria La Caixa, dotou ao centro con: 7 tabletas ( pendentes de recibir) 8

9 Memoria 2016/2017 C.-ORGANIZACIÓN E FUNCIONAMENTO DO CENTRO PROFESORADO A redución en medio mestre de AL, que este curso pasou a ser itinerante, obrigou a reducir os casos a atender por falta de horario do especialista. Sinalar que se ben a itinerancia pode ser un recurso desexado polos centros porque mellor é iso que carecer dos especialistas demandados, as horas de compensación e máis a propia itinerancia reducen moito o horario dispoñible para as clases e dificulta en grado sumo a elaboración de horarios e a distribución correcta dos apoios que pasan a estar concentrados nos días que o especialista itinerante acode ao centro. Adscrición O número de profesores é de 19, distribuídos do seguinte xeito: 4 mestras de E. Infantil 5 mestras de E. Primaria 1 mestre de Filoloxía Inglesa 1 mestra de Filoloxía Francesa 2 mestres de Pedagoxía Terapéutica, un deles compartido co CEIP de Caión 1 mestra itinerante de AL, compartida co CEIP de Canosa-Rus 1 mestra de E. Musical 1 mestre de E. Física 1 mestra de Relixión compartida co CEIP de Caión e as unitarias do concello 1 Orientadora Directora en comisión de servizos. *Persoal non docente: Contamos cunha coidadora para atender aos alumnos de NEAE. Horarios No momento de elaborar os horarios, o equipo directivo, ademais dos condicionantes marcados pola propia adscrición do profesorado, tivemos que ter en conta os seguintes aspectos: Os criterios marcados polo departamento de Orientación. 9

10 Memoria 2016/2017 Tanto a xefatura de estudos como a secretaría están ocupadas por mestres de E. Infantil, polo que as horas de dedicación ao cargo restan horas ao apoio de infantil propiamente dito e é a directora ( en comisión de servizos) quen asume eses apoios. O reparto equitativo das horas de garda entre todo o persoal do centro ( 3 sesións por mestre/a). As sesións de compensación horaria ás que ten dereito o profesorado polo tempo empregado nas gardas de transporte. Os mestres/as itinerantes: O feito de que tres mestres sexan itinerantes, e só están no centro en días concretos, condiciona en grado sumo a confección dos horarios, polos motivos antes mencionados. Os criterios pedagóxicos quedan sometidos a presenza ou non do especialista itinerante. Formación do profesorado Participouse, a nivel individual, en cursos promovidos por distintas Institucións. O equipo directivo asistiu ás Xornadas e Encontros de equipos directivos organizados polas diferentes asociacións de Equipos directivos, tanto da cidade de A Coruña, como a provincial. A orientadora participou nas Xornadas de Orientación, e asistiu ao Encontro de Atención á Diversidade desde os departamentos de orientación e o equipo de orientación específico na UNED en A Coruña. A directora participou nos Encontros dos responsables do PLAMBE. Seguiremos participando en cursos e grupos de traballo; porque consideramos unha experiencia moi positiva o traballo desenvolvido a través da cooperación e colaboración de todos. REUNIÓNS DE EQUIPOS Coa desaparición dos ciclos e pouca normativa sobre a organización dos centros, o claustro decidiu reunirse todos os luns de 16:30 a 17:30. Nese horario e segundo a necesidade do centro faláronse e tratáronse tanto os temas de CCP como dos diversos equipos. 10

11 Memoria 2016/2017 Entendemos que para un claustro reducido como o noso, e dado que estamos á vez en varios equipos, é complicado establecer un calendario separado. Así o feito de reunirnos todas as semanas axiliza a xestión e facilita a coordinación. ALUMNADO Este curso baixou levemente o número de alumnos ata un total de 164 repartidos nas nove unidades, 3 de E. Infantil e 6 de E. Primaria coa que consta o centro. A baixada responde sobre todo, á mobilidade das familias de alumnado inmigrante. A xestión do alumnado a través do programa de xestión Xade, é cada vez máis convulsa e errática, con cambios continuos sen previo aviso ou no límite de tempo e está a provocar malestar en mestres e equipo directivo. Os problemas fundamentais cos que nos atopamos este curso foron e seguen sendo: Desde que desapareceu o libro de escolaridade a impresión dos expedientes e os historiais académicos no caso de alumnos/as procedentes de fóra da comunidade ou do país, ou de centros que non usaron XADE ata hai pouco, convértese en auténticas odiseas repletas de traballo de investigación para tentar completar e agrupar a totalidade do expediente. Aínda que cada se curso impriman as follas correspondentes, a portada do expediente debe imprimirse ao final da etapa para que figure completa, pero só se pode facer dende o primeiro curso que chegaron ao colexio, polo que hai que andar modificando o ano de traballo e ir alumno por alumno Lembrar que o alumnado de 6º precisa esta documentación para matricularse no Instituto nos primeiros días de xullo. Nos períodos de máis actividade administrativa, avaliacións, matrícula...o servidor sobrecárgase, o que unido a habitual deficiente conexión a internet, imposibilita realizar as tarefas dentro do horario escolar o que provoca unha importante perda de tempo esperando a que funcione á aplicación e acumulación de traballo a posteriori. Moitas desas tarefas hai que facelas en horario persoal (nas últimas horas da tarde/noite que é cando funciona de maneira áxil o XADE). Avaliacion Individualizada de 3º E. Primaria e Avaliación final de Etapa. 11

12 Memoria 2016/2017 As familias manifestáronse maioritariamente en contra da realización desas probas e por ese motivo, o centro non realizou a Avaliación Final de Etapa ao ter esta un carácter voluntario. En canto a Avaliación de 3º de EP, salientar que ningún dos 23 alumnos /as matriculados/as, presentouse as probas. Normas de Organización, Funcionamento e Convivencia do centro e Plan de Convivencia Revisáronse como cada ano as NOFC e o Plan de Convivencia, e dado que empezou a funcionar o comedor, realizouse un primeiro regulamento de funcionamento do mesmo que unha vez rematado o curso revisarase a fin de adaptalo segundo as incidencias xurdidas nesta primeira fase. MODIFICACIÓN HORARIA CURSO 2016/17 Dado que se modificou o horario lectivo, durante este curso a distribución horaria foi a aprobada polo consello escolar reflectida na PXA. Dado que non houbo comunicación adversa dende a consellería, manteremos este horario para os cursos seguintes 8:55 a 14: 25, incluídos os 15 minutos de garda de transporte a entrada e a saída 15:30 a 18: 30 os luns 15:30 a 17:30 os martes, mércores e xoves. ACTIVIDADES COMPLEMENTARIAS Ao longo do curso fixéronse as actividades relacionadas coas datas a celebrar que figuran no calendario escolar e aquelas previstas na PXA. Todas elas están recollidas na memoria de actividades complementarias extraescolares. O obxectivo é seguir participando en actividades que consideremos de importancia para o desenvolvemento dos nosos alumnos. 12

13 Memoria 2016/2017 BIBLIOTECA O Centro segue a estar dentro do programa de Mellora de Bibliotecas Escolares. Todo o traballo queda reflectido na memoria do proxecto do Plan de Mellora da Biblioteca que se xunta ao final desta memoria en formato dixital (ANEXO I). As instrucións ditadas pola Consellería sobre o funcionamento da Biblioteca Escolar facilitaron a asignación de gardas de biblioteca a aqueles membros do claustro pertencentes ao equipo de Biblioteca. As actuacións fundamentais levadas a cabo foron: Informatización e centralización dos recursos do centro. Servizo de empréstito a toda a comunidade educativa. Dotación das Bibliotecas de aula. Adquisición de materiais en todos os soportes solicitados polo Claustro. Coordinación do Proxecto global, incluído no Proxecto Lector Un paseo pola historia. Coordinación das actividades do Proxecto Lector como Mochilas viaxeiras, Hora de Ler, Lecturas en voz alta. Coordinación e programación de actividades relacionadas con días a celebrar como Día da biblioteca, Día do Libro... É de destacar o número total de empréstitos entre o alumnado que acadou a cifra de 1128 sen contar os prestamos realizados desde as bibliotecas de aula o que consideramos un síntoma de moi boa saúde da nosa biblioteca. Seguiremos ampliando os fondos da Biblioteca en todos os soportes, a súa informatización e potenciaremos o seu uso e o gusto pola lectura nos nosos alumnos a través das actividades que consideremos oportunas e apoiados pola biblioteca de aula. Seguiremos a impulsar a realización de Proxectos Integrados Globais no centro. Tentaremos seguir dentro do PLAMBE TICS A dinamización de TICs é hoxe en día un apoio importantísimo para todos os aspectos formativos e aínda que contamos co equipamento adecuado e co interese de 13

14 Memoria 2016/2017 mestres e alumnado, a alfabetización dixital vólvese unha tarefa titánica pola mala situación da conexión. Unha vez máis, hai que sinalar que tanto a inversión en equipos coma o traballo realizado para telos a punto, son inútiles ante a pésima calidade da conexión a internet. Un ancho de banda prehistórico, converte calquera traballo na rede nunha labor de difícil desempeño incluso a actualización dos equipos é imposible de realizar, e en moitos ocasións hai que desprazar os equipos a empresa do técnico contratado polo colexio para poder facelo o que supón outro problema máis. O uso da páxina web como medio de comunicación coas familias é cada vez maior sobre todo a través do blog, o que axiliza máis a información. A maioría das publicacións, fanse fóra de horario porque, á falta de tempo do profesorado hai que sumar a lenta conexión a internet do centro que fai moitas veces imposible publicar. Como queda dito anteriormente, o equipo directivo xa realizou multitude de xestións ante o Concello, ante a Xefatura Territorial e a Unidade de Servizo Técnico da Consellería, ante o asesor Abalar e ante o Centro de Xestión de Redes para solucionar o problema e se ben obtén boas palabras, na realidade non hai resultados. Será obxectivos prioritarios continuar reclamando unha liña de internet en condicións e potenciando o uso dos recursos tics do centro entre o alumnado e o profesorado. DOCUMENTOS DO CENTRO Plan de Autoprotección do centro segue a ser revisado polos técnicos municipais para axustalo ás novas normativas. Neste curso realizouse a sinalización e a instalación das alarmas antiincendio e esta pendente a instalación dunha segunda porta de saída do recinto escolar xa que só existe unha. No momento que estea instalada, revisaranse as rutas de saída e realizarase os simulacros pertinentes para ver a eficacia do plan. Revisáronse tamén os acordos de avaliación para recoller de forma axeitada a avaliación por competencias. 14

15 Memoria 2016/2017 PERSOAL DE VIXILANCIA E LIMPEZA Como o ano pasado, os servizos de conserxería e limpeza foron cubertos por dúas persoas da empresa Seralia. Neste curso, e despois de varias peticións, incrementáronse sensiblemente os horarios dos dous operarios do centro. Unha limpadora, con 25 horas semanais pola tarde, fóra de horario lectivo, e con contrato ata o 30 de xuño Un conserxe, con 40 horas semanais,con atención fixa ao centro de 8:30 a 14:30 de luns a venres, e tamén o luns de 15:30 a 18:30. A maiores ten que permanecer no centro cada vez que sexa preciso por atención a técnicos, reunións do ANPA etc. E ademais é o responsable da apertura e peche do pavillón fora do horario lectivo para actividades municipais.c Se ben a petición de incremento de horario foi atendida, quedan sen solucionar: Que persoal de limpeza permaneza no centro como mínimo mentres estea todo o profesorado e haxa actividade administrativa e comece a súa actividade o 1 de setembro coa chegada dos mestres. Marcar o tempo para facer a limpeza xeral do centro fóra dos períodos de actividade lectiva. ANPA A ANPA Porta Santa representa a 40 familias do centro. Este ano organizou a actividade de judo, as tardes dos martes e xoves no centro sociocultural de Paiosaco O centro está a colaborar coa ANPA en todo o que precisa, ben como transmisores de información (comunicados ás familias), ben axudando á redacción de escritos, comunicación de convocatorias... Así mesmo o centro está aberto a apoiar todas as súas iniciativas e, por suposto, a facilitarlle desde o Equipo Directivo asesoramento e colaboración en todo o que precisen. A colaboración é mutua. As reunións entre a presidente ou outros membros do ANPA foron frecuentes para tratar os diferentes problemas que os pais/nais lles comunican e, que entrambos, tentan resolver para unha mellor marcha do centro, e para trasladar información nos dous sentidos. 15

16 Memoria 2016/2017 Sempre reforzan as peticións do centro ante o Concello e a Consellería de Educación, e axudan na medida do posible en todas as actividades organizadas polo centro. Conseguiron unha subvención dunha entidade privada coa que dotarán ao centro de 7 tablets, que se sumarán as 14 doadas os anos anteriores o que vai permitir actividades co grupo clase ao haber practicamente unha por alumno/a. Xestionaron e xestionan o contacto coa empresa Jardanay, responsable do servizo de comedor e sufragaron unha parte dos electrodomésticos precisos para o comedor. Neste momento están a impulsar o uso de uniforme escolar, optativo para as familias Deixar constancia nesta memoria, do agradecemento do equipo directivo e do profesorado pola súa colaboración e apoio continuo ao centro. Seguiremos fomentando as boas relacións entre as familias e o Centro, xa que todos buscamos o mesmo fin, a educación integral dos nosos nenos e nenas e na medida do posible, tentaremos axudar para que sega a funcionar a ANPA CONCELLO Queremos destacar a boa dispoñibilidade do Concello cara a todas as peticións feitas dende o centro, tanto en todo o relacionado co mantemento das instalacións que realizan sempre que os seus orzamentos o permiten, así como a colaboración na organización de actividades ou préstamos de instalacións e/ou recursos municipais. Ademais, o Concello concede ao centro unha subvención económica para a realización de actividades, amosándose receptivo a todas as propostas que desde o centro se realizan. Colaborou na reforma do espazo do comedor, primeiro co desescombrado do espazo e posteriormente pagando unha parte dos electrodomésticos e instalado un termo eléctrico. Acaba de propoñer dentro do programa municipal Harmoniza que tenta aportar medidas que favorezan a conciliación familiar, a posta en funcionamento do servizo de 16

17 Memoria 2016/2017 madrugadores en todos os centros educativos do Concello, servizo cada vez máis demandado polas nosas familias. Este curso, concedeunos, unha vez máis o salón de actos do Centro Sociocultural de Paiosaco para a celebración do festivais de Entroido e Fin de curso. Destacar positivamente, a estreita colaboración existente entre o equipo directivo e a directora e psicóloga do CIM (Centro de Información da Muller) que colabora con nós, tanto no caso de alumnado con NEAE, como alumnado con problemática social, fundamentalmente na intervención coas familias.os contactos con ela son frecuentes e acude ao centro con regularidade. Tamén coordina as actividades de formación sobre violencia de xénero para o alumnado de 5º e 6º de EP. Este curso escolleu de novo as instalacións do noso centro para celebrar A festa da Igualdade o 25 de novembro, coa asistencia de todos os alumnos de 5º e 6º dos centros do concello e que contou coa nosa colaboración para organizar o evento A orientadora e a directora pertencen á Mesa Municipal contra a Violencia de Xénero, sección Educación. Continuaremos fortalecendo as relacións entrambas entidades. Actuaremos de mediadores entre as peticións das familias e o Concello, en aqueles temas que supoñan unha melloría para o noso alumnado que entren dentro da competencia municipal Desde a nosa función de supervisión e control, seguiremos solicitando as axudas e arranxos que consideremos necesarios para o bo mantemento do centro. Seguiremos a recadar o seu apoio nas nosas demandas ante a Consellería de Educación Tentaremos establecer canles de comunicación con outros servizos existentes no Concello, como o Centro Médico da Laracha. TRANSPORTE ESCOLAR O centro ten dúas liñas de autobús que realiza a empresa Rey Varela. Este ano seguimos co protocolo de actuación para as faltas de convivencia no transporte iniciado o curso pasado. Os/as coidadoras teñen un modelo de parte onde poden recoller todas as incidencias, para así comunicalas á dirección do centro, que será a encargada de comunicar coas familias e impoñer as correccións que considere oportunas de acordo á 17

18 Memoria 2016/2017 normativa vixente. A día de hoxe as incidencias merecedoras de dito parte foron pouco significativas. Neste momento, para o próximo curso escolar as peticións de transporte non superan o número de prazas. No caso de producirse novas peticións aplicarase a norma do curso pasado. Adxudicáranse primeiro as prazas ao alumnado residente fóra do casco urbano e o resto das prazas ofertáronse ás familias da parada citada, que dado que está a menos de 2 km tiveron que solicitar a autorización de uso excepcional do transporte. En Consello Escolar e de acordo á normativa, fixáronse os criterios para a selección de usuarios: Alumnado de NEAE e problemática social Distancia do domicilio ao centro. En caso de empate na distancia, menor idade. De acordo a estes novos criterios, elaborouse a lista de propostos ao Departamento de Servizos Complementarios da Xefatura Territorial. Dado as instrucións que ven de publicar a consellería de Educación sobre o protocolo de resolución de incidencias nas recollidas de alumnado transportado, revisarase o próximo curso, o regulamento do centro no referido a estes aspectos. ACTIVIDADES DAS TARDES O centro tivo aberta a Biblioteca de 15:30 a 17:30 hrs. de luns a xoves para toda a comunidade educativa atendida polo profesorado de garda. Dende que funciona o comedor, este profesorado exerce a custodia do alumnado que por motivos de conciliación familiar solicitaron permanecer na biblioteca ata as 17:30. LIBROS DE TEXTO Dado que neste curso segue a funcionar o fondo de libros e o futuro da LOMCE está por determinar, o claustro acordou non solicitar cambio de libros pese a que algúns xa teñen os 6 anos regulamentarios. Só modifícanse aquelas edicións que as editoriais xa comunicaron que non van a estar dispoñibles. Unha vez máis, manifestar o noso malestar por todo o que a problemática dos libros de textos está a xerar no centro, non só pola sobrecarga de tarefas, senón porque 18

19 Memoria 2016/2017 acabamos sendo os receptores das queixas das familias ante unha situación da que os equipos directivos e o profesorado non somos responsables: A orde que regula as axudas de adquisición de libros de texto, as axudas de material escolar e o fondo solidario de libros chega antes á prensa que aos centros polo que xa temos as familias preguntándonos cando aínda non temos a normativa. O prazo de solicitude destas axudas chega no peor momento, e ademais nun momento no que non podemos resolvela xa que a matrícula para o curso 17/18 aínda non está feita e tampouco está feita a recollida dos libros do fondo usados durante este curso, ambos os dous procesos requisitos imprescindibles para gravar as solicitudes. Como no curso pasado, está a haber problemas co listados de libros mercados polas familias con cargo ás axudas que facilita a aplicación e o que alegan as familias. Mención especial precisan os libros de plástica que aparecen neses listados como material a devolver pero son funxibles.. Os libros do fondo de libros, son insuficientes para todo o alumnado e como son libros de máis de 6 anos en moitos casos, e que xa non serán, segundo comunican as editoriais, reeditados, descoñecemos como poderán as familias conseguir estes textos e con que cartos o que xera máis protestas das familias. Como norma o centro repartía xunto cos boletíns de notas finais, a lista de libros para o curso seguinte. Nestes momentos, e dado que ata mediados de xullo non sae a adxudicación provisional dos fondos, para evitar confusións, non repartiremos as listas de libros ata que saía publicada dita adxudicación. Manifestar o noso malestar pola carga burocrática que supón xestionar todo o referido as axudas de adquisición e ao reparto do fondo solidario que entendemos que son tarefas propias dos Servizos de Becas existentes nas Xefaturas Territoriais e non de docentes e que ademais, coinciden no tempo época de máis traballo administrativo. 19

20 Memoria 2016/2017 1º EP 2ºEP 3ºEP 4ºEP 5ºEP 6ºEP L.Castellana Proyecto Saber Hacer - Primeros pasos Ed. Santillana ISBN: : Proyecto Saber hacer Ed. Santillana ISBN: Lengua Castellana. Saber Hacer Ed. Santillana ISBN: Proyecto Saber hacer Ed. Santillana ISBN: Proyecto Saber hacer Ed. Santillana ISBN: Proyecto Saber hacer Ed. Santillana ISBN: L.Galega Proxecto Saber facer Ed. Obradoiro Santillana ISBN: Proxecto Saber facer Ed.Obradoiro - Santillana ISBN: Proxecto Celme Ed.SM Xerme ISBN: Proxecto Celme Ed.SM Xerme ISBN: Proxecto Saber Facer Ed.Obradoiro - Santillana ISBN: Proxecto Saber facer Ed.Obradoiro - Santillana ISBN: C. Sociais Saber Facer Ed. Obradoiro Santillana ISBN: Saber Facer Ed. Obradoiro Santillana ISBN: C. Sociais Saber Facer Ed. Obradoiro Santillana ISBN: Saber Facer Ed. Obradoiro Santillana ISBN: C. Sociais Saber Facer Ed. Obradoiro- Santillana ISBN: : Saber Facer Ed. Obradoiro Santillana ISBN: C. da natureza Saber Facer Ed. Obradoiro. Santillana ISBN: Saber Facer Ed. Obradoiro. Santillana ISBN: C. da Natureza Saber Facer Ed. Obradoiro. Santillana ISBN: Saber Facer Ed. Obradoiro. Santillana ISBN: C. da Natureza Saber Facer Ed.Obradoiro- Santillana ISBN: Saber Facer Ed. Obradoiro. Santillana ISBN: Matemáticas Proyecto Saber hacer Ed. Santillana ISBN: Proyecto Saber hacer. Ed. Santillana ISBN: Proyecto Savia Ed. SM ISBN: Proyecto Savia Ed. SM ISBN: Proyecto Saber hacer Ed. Santillana ISBN: Proyecto Saber hacerr. Ed. Santillana ISBN: Inglés Great Explorers 1 Class Book PK Ed. Oxford ISBN: Great Explorers 2 Class Book PK Ed. Oxford ISBN: Great Explorers Class Book 3 PK Ed. Oxford ISBN: Great Explorers 4 Class book PK Ed. Oxford ISBN: Great Explorers 5 Class book Ed. Oxford ISBN: Great Explorers 6 Class Book Ed. Oxford ISBN: Great Explorers 1 Activity book ISBN: Great Explorers 2 Activity book ISBN: Great Explorers 3 Activity book ISBN: Great Explorers 4 Activity book ISBN: Great Explorers 5 Activity book ISBN: Great Explorers 6 Activity book ISBN: Relixión Relixión Católica 1º Ed. Anaya ( galego) ISBN: Proyecto Los caminos del saber Religión 3º Ed. Santillana ISBN: Música Proxecto Os camiños do saber Ed. Obradoiro Santillana ISBN: Caderno Música 1. Os camiños do saber ISBN: Proxecto Os camiños do saber Ed. Obradoiro Santillana ISBN: Caderno Música 2. Os camiños do saber ISBN: Proxecto Os camiños do saber Ed. Obradoiro Santillana ISBN: Caderno Música 3 Os camiños do saber ISBN: Proxecto Os camiños do saber Ed. Obradoiro Santillana ISBN: Caderno Música 4. Os camiños do saber ISBN: Proxecto Os camiños do saber Ed. Obradoiro Santillana ISBN: Caderno Música 5. Os camiños do saber ISBN: Proxecto Os camiños do saber Ed. Obradoiro Santillana ISBN: Caderno Música 6. Os camiños do saber ISBN:

21 Memoria 2016/2017 Plástica Plástica 6º. Ed Anaya Valores sociais e C. 1º Valores sociais e cívicos Ed. Obradoiro-Santillana ISBN: (castellano) ISBN: º de E. Infantil ( 3 anos) 5º de E. Infantil ( 4 anos) 6º de E. Infantil (5 anos) Caderno de grafomotricidade 1 (En galego). Ed. Tambre- Edelvives- ISBN: A aventura dos números 1 (En galego). Ed.Paraninfo. ISBN: O xardín das letras. LECTOESCRITURA. Vogais. Ed. Xerais ISBN: A aventura dos números 2 (En galego) Ed. Paraninfo ISBN: A aventura dos números 3 (En galego) Ed. Paraninfo ISBN: Caderno de grafomotricidade 2 (en galego). Ed. Tambre-Edelvives. ISBN: O xardín das letras. LECTOESCRITURA. Consoantes 1 (Pauta Montessori). Ed. Xerais ISBN: A aventura dos números 4 (En galego) Ed. Paraninfo ISBN: A aventura dos números 5 (En galego) Ed. Paraninfo ISBN: Caderno de grafomotricidade 3 (en galego). Ed. Tambre-Edelvives. ISBN: *** Los libros de 3º e 5º son edicións de máis de 6 anos. No caso de que houbese que mercar materiais con cargo á partida adquisición complementaria de libros por non ser suficientes os fondos existentes, como xa non existen no mercado, iríamos a edicións actualizadas deses manuais 21

22 COMEDOR: Como xa aparece reflectido ao longo da memoria, no terceiro trimestre do curso empezou a funcionar o servizo de comedor de xestión indirecta, modalidade de catering. Tras as reformas do espazo destinado a comedor e a aprobación da apertura por parte das Consellerías de Sanidade e Educación, iniciouse o servizo o 18 de abril do A empresa contratada pola ANPA é JARDANAY. O número de comensais foi de media de 20 alumnos diarios atendidos por dous monitores dende as 14:10 ata as 16:10. A valoración final do servizo foi positiva. 22

23 3.-MEMORIAS DE EQUIPOS MEMORIA DE EDUCACIÓN INFANTIL A.- O EQUIPO DE EDUCACIÓN INFANTIL. Durante este curso 2016/ 2017 o equipo de educación infantil estivo formado polas seguintes mestras: Amelia Rabuñal Rodero Titora da aula de 3 a nos. Lucía López Rama. Titora da aula de 4 anos. Marta Montes García. Titora da aula de 5 anos e coordinadora do ciclo. Sonia Reigía Regueira. Mestra de apoio. Mª Agripina Alfeirán Rodríguez. Mestra que impartiu apoios en Educación Infantil. Este equipo reuniuse de forma ordinaria unha vez ao mes e, de forma extraordinaria, sempre que foi necesario. B.- AGRUPAMENTO DOS ALUMNOS. Os alumnos e alumnas de educación infantil, este curso agrupáronse en tres aulas: Unha aula de tres anos con 9 alumnos e alumnas. Unha aula de catro anos con 20 alumnos e alumnas. Unha aula de cinco anos con 18 alumnos e alumnas. Este curso, incorporouse un neno na aula de 5 anos os primeiros días de curso e a finais do primeiro trimestre unha nena causou baixa por cambio de domicilio. Deste xeito, a clase de 5 anos pasou a ter 17 nenos/as. Este curso fixéronse desdobres nos grupos de 4 e 5 anos cando se impartía música: unha metade quedaba na propia aula realizando unha tarefa e a outra metade ía á especialidade correspondente. C.- MESTRES ESPECIALISTAS. No presente curso os nenos e nenas asistiron a clases con mestres especialistas de: - Educación musical, 25 minutos semanais. - Psicomotricidade, 1 sesión semanal. - Lingua estranxeira (inglés), 1 sesión semanal. 23

24 - Formación relixiosa ou atención educativa, 1 sesión semanal. - Programa de estimulación da linguaxe oral. Este curso, debido á carga horaria da mestra de AL por outras necesidades do Centro, o programa de estimulación oral en infantil foi impartido polas titoras. O Departamento de Orientación facilitou o método O dragón Pepón e a mestra de AL aportou material para reforzar e desenvolver algúns aspectos do programa. Aínda así, para vindeiros cursos, cremos que a etapa de Educación Infantil debería contar cunha sesión mínima de Audición e Linguaxe de 20 minutos semanais para cada clase, impartida pola especialista de AL. Esta profesional está máis cualificada para desenvolver o programa de estimulación, ademais do que se necesite para traballar especificamente con nenos/as con dificultades graves na linguaxe. D.- PERÍODO DE ADAPTACIÓN. Tal e como marca o calendario escolar, realizouse o período de adaptación, que consiste na entrada paulatina na escola, cunha xornada e grupos reducidos. Neste caso, ao ser a matrícula só de 8 alumnos, viñeron todos xuntos. O período de adaptación comprendeu desde o día 12 ata o 23 de setembro, ambos inclusive, e levouse a cabo tendo en conta o seguinte horario: Días de setembro viñeron ao cole de 9:10 ata 10:30. Días de setembro, viñeron ao cole de 9:10 ata 11:30. Días de setembro, viñeron ao cole de 9:10 ata 12:10, e trouxeron unha merendiña. Día 26 de setembro, tivemos horario completo. Durante este tempo planificáronse actividades dirixidas ao coñecemento da vida da escola, á socialización do grupo e que os pequenos sentisen apego pola rutina escolar. E.- ACTIVIDADES REALIZADAS POLO ALUMNADO DE E.I. Ao longo do curso elaboramos dous proxectos de traballo relacionados co tema da biblioteca Un paseo pola Historia : - OS DINOSAUROS - A PREHISTORIA Ademais, o alumnado de 3 anos, elaborou o proxecto do PROTAGONISTA e o de 4 anos, un proxecto do CORPO. 24

25 Tamén, durante o curso escolar realizamos unha serie de actividades, coa finalidade de complementar o currículo para acadar os obxectivos educativos propostos para cada un dos trimestres: 1º TRIMESTRE: MAGOSTO-SAMAÍN: Celebrouse no mes de novembro. Confeccionamos uns cestos para comer as castañas con material de reciclaxe. Durante esa semana, nas aulas realizáronse diversas actividades sobre a castaña e o magosto. Ademais, para celebrar o Samaín fixemos unha exposición de cabazas decoradas na casa. Tamén aprendemos cancións e fixemos adornos sobre o tema. O 25 de novembro visitamos o MUNCYT na Coruña. Decoración das aulas con motivos navideños. Participamos no concurso de Postais de Nadal do Concello e do Centro. Asistimos a unha representación teatral na Casa da Cultura de A Laracha que estaba organizada polo Concello. O 22 de decembro, todo o cole asistiu ao Centro Sociocultural de Paiosaco para ver a película Arthur Christmas e realizamos unha merendola para festexar o Nadal con biscoitos e chocolate. 2º TRIMESTRE: - Día da PAZ: todos os nenos e nenas do cole elaboramos un mural con cartóns de leite nos que os nenos/as escribiron e debuxaron distintas mensaxes sobre a paz. Con todos os cartóns, construímos a muralla da paz. - O 6 de febreiro visitamos a Casa das Ciencias da Coruña e asistimos a unha sesión no Planetario.. ENTROIDO: En relación co tema xeral do centro UN PASEO POLA HISTORIA, o alumnado de E.I. confeccionou disfraces da Prehistoria. Preparamos varias actuacións, que interpretamos o día da festa no Centro Sociocultural de Paiosaco: todas as clases de infantil cantamos e bailamos a canción Unga Balunga. Logo os de 3 anos cantaron Troglodita ; os de 4, fixeron un baile primitivo e os de 5 interpretaron o Rock do Cárcere cun estilo moi prehistórico. Ese día degustamos produtos típicos do Entroido aportados polas familias.. Participamos tamén nos mandadiños para cada día da semana do Entroido. - Decoración primaveral, con motivos propios deste tempo. 25

26 3º TRIMESTRE: Celebramos o día do libro cunha lectura na biblioteca do colexio e unha presentación. Plantamos no invernadoiro: leitugas, cenorias, pementos, tomates, cebolas, fresas, plantas aromáticas e diversas flores. LETRAS GALEGAS: O 18 de maio na biblioteca do colexio, celebrouse o día das Letras Galegas, adicado este ano a CARLOS CASARES. En Educación Infantil realizamos diversas actividades en torno ao conto A galiña azul. CARREIRA SOLIDARIA: O 26 de maio o alumnado de E.I. participou en dita carreira no pavillón do colexio. Participamos na elaboración e elección da portada da revista AIRIÑOS. O xoves 8 de xuño visitamos o Dolmen de Dombate. Xornada de portas abertas para o alumnado de 3 anos do vindeiro curso, o día 16 de xuño. Festa Fin de curso: O día 23 de xuño os nenos/as de infantil participamos, xunto co resto do alumnado do Centro, nunha festa na área de Gabenlle con monitores para realizar diversos xogos e actividades. F.- ACTIVIDADES LEVADAS A CABO POLO EQUIPO DE E.I. Proposta de actividades para a celebración do Nadal. Redacción de diferentes actividades e suxestiónss para realizar no verán. Selección dos ítems para as avaliacións trimestrais segundo o modelo XADE. Elaboración das programacións de nivel e de ciclo. Participación nas actividades propostas polo EDLG e polo de actividades complementarias e extraescolares. Participación nas actividades organizadas desde a biblioteca, que durante este curso xirou en torno ao tema UN PASEO POLA HISTORIA. Selección do material curricular a empregar para o vindeiro curso. G.- REUNIÓNS COAS FAMILIAS O mércores 7 de setembro, as titoras de Educación Infantil realizaron unha reunión xeral co seu grupo, para informar das normas de comezo de curso, materiais, organización, etc. Ademais a titora do grupo de 3 anos, realizou entrevistas individuais coas familias para cumprimentar datos da avaliación inicial segundo recolle o modelo 26

27 XADE. Como normal xeral o horario de titorías durante todo o curso foi os luns de 15:30 a 16:30h, ademais de cantas veces se considerou oportuno por calquera das partes. H.- OUTROS DATOS RELEVANTES Todos os/as alumnos/as da clase de 5 anos promocionan ao nivel ou etapa seguinte. Haberá que estar pendente de varios nenos que teñen dificultades na aprendizaxe e dos que se informou na xuntanza de avaliación do 12 de xuño Paiosaco, 22 de xuño de 2015 A coordinadora do Equipo de E.I. Asdo: Marta Montes García 27

28 MEMORIA DO 1º NIVEL DE EDUCACIÓN PRIMARIA A. PROFESORADO: Luz Torres Rumbo (Titora de 1º de Educación Primaria) José Manuel Sueiro Vázquez ( Especialista Educación Física) Gustavo López Morán ( Especialista Inglés) María José Peaguda Pérez (Especialista Música) Eva Mª Garcia Gonzalez (Especialista de Audición e Linguaxe) Josefa Fernández Álvarez (Especialista Pedagoxía Terapéutica) María del Carmen Fernández Quintás (Especialista Relixión) B. OBXETIVOS DO EQUIPO DOCENTE: Reunirse cada vez que se considere oportuno e sexa necesario. Fixar a data da reunión de principios de curso cos pais/nais dos alumnos/as e elaborar a relación dos asuntos a tratar. Programar as actividades para as distintas celebracións. Dinamizar ao alumnado para participar nas devanditas actividades, promovidas polo centro educativo. Avaliar cada trimestre ao alumnado conxuntamente con todos os profesores que inciden no grupo, así como o asesoramento do Equipo de Orientación. Estar receptivo a calquera actividade ou proposta que poida beneficiar ao centro educativo, e, consecuentemente ao alumnado. Actuar de mediadores para axudar nas diferentes problemáticas que poidan xurdir. Traslado da información recollida na CCP, Departamento de Orientación e nos diferente Equipos do Centro a todos os membros do equipo. Neste curso, cabe sinalar que a maioría das actividades foron desenvolvidas en torno a un mesmo tema: Un paseo pola historia... C. COMPOSICIÓN E ANÁLISE DO GRUPO: O grupo do 1º nivel estivo formado por 21 alumnos/as. 28

29 Dous alumnos recibiron intervención da especialista de A.L (2 sesións semanais de 20 minutos). Un alumno recibiu intervención da especialista de P.T (5 sesións semanais). Destacar un alumno de etnia xitana que debido á baixa estimulación sociocultural, á falta de hábitos de traballo e sobre todo as ausencias reiteradas á escola presenta moitas dificultades. D. AVALIACIÓN: O grao de desenvolvemento das competencias clave, así como a adquisición dos obxectivos e contidos propios do nivel foi en xeral satisfactoria. Agás no caso dun alumno que non acadou os estándares de aprendizaxes mínimos relativo a competencia matemática e a competencia en comunicación lingüística, e que promociona igualmente ao seguinte nivel por imperativo legal. Os instrumentos de avaliación básicos empregados foron diversos para poder chegar a cada alumno/a e caso individual: Observación diaria. Autoavaliación. Rúbricas. Análise de tarefas. E. PROPOSTAS DE MELLORA: Tras analizar as dificultades atopadas na práctica docente centraremos as propostas de mellora nos seguintes aspectos: Mellorar a relación e colaboración do equipo docente con algunhas familias. Incrementar o horario de apoio aos alumnos/as de necesidades educativas. Traballar de forma máis intensiva as habilidades sociais e as normas de convivencia. Fomentar o uso responsable das novas tecnoloxías. Titora 1º EP: Mª Luz Torres Rumbo Paiosaco, xuño

30 MEMORIA DO 2º NIVEL DE EDUCACIÓN PRIMARIA A. PROFESORADO: Neste curso 2016/17 o equipo docente do 2º nivel estivo formado polos seguintes mestres/as: Luzdivina Mouce Debasa (Titora de 2º de Educación Primaria ) José Manuel Sueiro Vázquez (Educación.Física) Maria José Peaguda Pérez (Especialista Música) Gustavo López Móran (Especialista Inglés) Eva Mª Garcia Gónzalez (Audición e Linguaxe) Maria del Carmen Fernández Quintás (Especialista Relixión) B. OBXETIVOS DO EQUIPO DOCENTE: Reunirse cada vez que se considere oportuno e sexa necesario. Fixar a data da reunión de principios de curso cos pais/nais dos alumnos/as e elaborar a relación dos asuntos a tratar. Programar as actividades para as distintas celebracións. Dinamizar ao alumnado para participar nas devanditas actividades, promovidas polo centro educativo. Avaliar cada trimestre ao alumnado conxuntamente con todos os profesores que inciden no grupo, así como o asesoramento do Equipo de Orientación. Estar receptivo a calquera actividade ou proposta que poida beneficiar ao centro educativo, e, consecuentemente ao alumnado. Actuar de mediadores para axudar nas diferentes problemáticas que poidan xurdir. Traslado da información recollida na CCP, Departamento de Orientación e nos diferente Equipos do Centro a todos os membros do equipo. Neste curso, cabe sinalar que a maioría das actividades foron desenvolvidas en torno a un mesmo tema: Un paseo pola historia... C. COMPOSICIÓN E ANÁLISE DO GRUPO: O 2º nivel estivo formado por 22 alumnos/as. 30

31 Un alumno recibiu intervención da especialista de A.L durante todo o curso (2 sesión de 50 minutos semanais). Unha alumna recibiu intervención da especialista A.L (2 sesións semanais de 20 minutos). D. AVALIACIÓN: O grao de desenvolvemento das competencias clave, así como a adquisición dos obxectivos e contidos propios do nivel foi en xeral satisfactoria. Promocionan todos/as ao seguinte nivel xa que cumpren os requisitos establecidos no centro, así como as disposicións legais vixentes para dita promoción. Os instrumentos de avaliación básicos empregados foron diversos para poder chegar a cada alumno/a e caso individual: Observación diaria. Autoavaliación. Rúbricas. Análise de tarefas. F. PROPOSTAS DE MELLORA: Tras analizar as dificultades atopadas na práctica docente centraremos as propostas de mellora nos seguintes aspectos: Mellorar a relación e colaboración do equipo docente con algunhas familias. Incrementar o horario de apoio aos alumnos/as de necesidades educativas. Traballar de forma máis intensiva as habilidades sociais e as normas de convivencia. Fomentar o uso responsable das novas tecnoloxías. Titora 2º EP: Luz Divina Mouce Debasa Paiosaco, xuño