Gid Enfòmasyon pou Elèv Lekòl Segondè

Transcription

1 Gid Enfòmasyon pou Elèv Lekòl Segondè (Ak Adilt Ki Ede Yo) Se Kim Nauer ak Sandra Salmans ki ekri li Desen Anime se R.J. Matson ki fè yo Konsepsyon an se Stone Soup Creative ki fè l Dat Piblikasyon: Oktòb 2017 Aktyalize pou dènye fòmilè FAFSA Davans

2 Jwenn $$$ pou kolèj Kisa Pou w Konnen Pou w Ranpli FAFSA a Lè w ap ranpli FAFSA a: Tou senpleman eseye li...paj 1 Konprann enfòmasyon debaz yo...paj 2 Èske FAFSA a se yon bon chwa pou ou? Prèske sètènman!... paj 4 K & Elèv ki gen kesyon sou sitwayènte...paj 5 Se Pou Prepare w! Enfòmasyon ou bezwen...paj 6 Koleksyon Dokiman... paj 7 Sa gen Rapò Avèk Oumenm: Kòmanse fòmilè FAFSA a...paj 8 Sa Gen Rapò Avèk Fanmi w: Twa kesyon... paj 10 Ki Moun ki Paran w? Depandans legal...paj 12 K & Kesyon sou paran ak fanmi...paj 13 Ki Moun ki Viv Lakay ou?...paj 14 K & Elèv ki pa genyen kontak ak paran...paj 15 Kisa Fanmi w Fè Kòm Revni? Rapò sou revni...paj 16 K & Kesyon sou enfòmasyon finansyè...paj 17 Soumèt fòmilè FAFSA w la: Yon lis verifikasyon...paj 18 Montre M Lajan an! Etap final yo...paj 19 K & Pwouve enfòmasyon an vre... paj 20 Kijan Pou w Li yon Lèt Sipò Finansyè...paj 21 Premyèman, Tcheke Pri a...paj 22 Apresa, Chèche Lajan Gratis la...paj 23 Finalman, Panse ak Prè yo...paj 24 K & Kesyon sou prè ak dèt...paj 25 Konpare Òf Sipò Finansyè Kolèj yo...paj 26 Ou gen Plis Kesyon? Dekoupe paj sa a...paj 29

3 Premye Etap ou Kolèj Lè w ap ranpli FAFSA a Èske w bezwen lajan pou w ale nan kolèj? Li pwobab pou w ranpli Aplikasyon Gratis pou Sipò Federal Elèv gouvènman federal la, ki rele FAFSA tou. Sa se premye etap si w vle resevwa sipò finansyè nan men gouvènman federal ak leta oswa pifò kolèj yo. Ranpli FAFSA a kapab entimidan. Pa enkyete w. Tou senpleman eseye li. FAFSA a se yon fòmilè sou entènèt ki konsevwa pou mennen w etap-pa-etap a kesyon pou w reponn yo. Genyen tou yon trè bon liy telefonik asistans ou ka rele pou yo ede w. Pandan w ap ranpli fòmilè a, ou kapab pale ak yon pwofesyonèl nan ki ka ba w bon konsèy sou nenpòt kesyon ke w genyen. (Sèten moun prefere ranpli FAFSA a sou papye epi voye li pa lapòs. Opsyon sa a disponib. Liy telefonik asistans FAFSA a kapab ede w ak sa tou.) Si li posib, mande yon adilt ede w. Paran w, konseye pedagojik, oswa pwofesè prefere w la, la pou ou. Oswa mande yon lòt moun. Ka genyen pwofesyonèl sipò finansyè nan kominote w la oswa nan lekòl ou a. Epi plizyè kolèj genyen moun nan depatman admisyon yo ki ka ede w. Kòmanse travay sou sa jodiya. Efò a ap vo lapèn. FAFSA: Gid Enfòmasyon pou Elèv Lekòl Segondè 1

4 K & Debaz FAFSA a Konprann Enfòmasyon W ap fè rechèch epi w ap aplike nan kolèj ou prefere yo. Sepandan kijan w pral peye pou lekòl? Plizyè elèv depann sou yon konbinezon sibvansyon ak prè. Pou aplike pou sipò finansyè, se pou w ranpli Aplikasyon Gratis pou Èd Federal Elèv (FAFSA) gouvènman federal la. K : Kisa FAFSA a ye, egzakteman? Li vle di Aplikasyon gratis pou Èd Federal pou Elèv. Aplikasyon an nesesè pou elèv ki ap chèche èd pou kolèj nan men gouvènman an. Depatman Edikasyon Etazini a itilize fòmilè a pou kalkile nivo bezwen finansyè w. Pifò kolèj yo itilize FAFSA a tou kòm yon pwen inisyal pou detèmine ki kantite sipò finansyè yon elèv ap bezwen pou yo ale lekòl la. K : Poukisa FAFSA a enpòtan? Fòmilè a nesesè pou tout kalite sipò finansyè. Kolèj yo itilize FAFSA pou detèmine si ou kalifye pou èd federal pou elèv, ikonpri Pell Grant, prè pou elèv, ak travay-etid. Li se pòtay tou pou finansman leta, sipò pou kolèj, ak anpil lòt bous prive. K : Kijan li fonksyone? Pifò moun ranpli fòmilè a sou entènèt nan Sitwèb la gide w atravè yon seri kesyon sou fanmi w epi sou finans paran w. FAFSA a itilize enfòmasyon sa a pou kalkile ki kantite oumenm ak fanmi w kapab kontribye pou depans kolèj ou. Chif sa a rele "Kotizasyon yo Mande Fanmi yo," oswa EFC. Kolèj yo itilize EFC a pou detèmine pou ki kantite sipò finansyè ou kalifye. 2 FAFSA: Gid Enfòmasyon pou Elèv Lekòl Segondè

5 K : Ki kalite kesyon èske FAFSA poze? Fòmilè FAFSA a mande pou kèk detay pèsonèl sou ou epi mande nan ki kolèj ou ta renmen ale. Apresa fòmilè a mande pou paran w epi ak ki moun w ap viv. Fòmilè a pral poze kesyon pou wè si ou "depandan" sou youn oswa toude paran w yo. (Pwobabman ou depann sou yo men genyen eksepsyon.) FAFSA a mande tou ki kantite lajan oumenm ak paran w te touche ane pase. Si paran w yo se pwopriyete yon kay oswa yo genyen lajan labank, fòmilè FAFSA a poze kesyon sou sa tou. K : Men mwen pa konnen anyen sou finans paran mwen! Paran w yo ap pwobabman gen pou yo ede w oswa (pi byen di) ranpli fòmilè FAFSA a avèk ou si ou depann sou yo. Omwen, se pou yo ba w enfòmasyon ki nesesè a. `Dokiman ki pi enpòtan an se deklarasyon federal revni yo. Gen lòt enfòmasyon ki ka nesesè tou. K : Ki dat limit FAFSA a? FAFSA a disponib jouk 1ye Oktòb epi li dwe konplete leplivit posib. Anpil sipò finansyè se "premye ki vini, premye sèvi" kidonk se pou w soumèt FAFSA a dèke w kapab. Dat limit kolèj yo pou ranpli FAFSA a epi soumèt lòt enfòmasyon sou sipò finansyè ka varye. Asire w ke w ranpli aplikasyon an a tan! K : Apre mwen fin soumèt fòmilè FAFSA mwen an, èske mwen ka rilaks? Pa vreman. W ap tou senpleman veye imèl ou ak atansyon. Sitwèb FAFSA a pral voye yon dokiman enpòtan ki rele Rapò Èd Elèv (Student Aid Report). Revwa li ak atansyon. Asire w ke fòmilè FAFSA w la te trete kòrèkteman e ke enfòmasyon an te ale nan kolèj kote w te aplike yo. K : Kijan pou m asire ke mwen jwenn tout èd ke mwen kalifye pou li a? Premyèman, asire ke w aplike pou sibvansyon leta w yo. Fòmilè FAFSA sou entènèt la dwe bay yon lyen pou fòmilè leta a nan fen aplikasyon an. Eseye konplete aplikasyon sa a tousuit apre FAFSA a. Li pi fasil pou fè toude fòmilè yo an menm tan. Dèke kolèj yo resevwa enfòmasyon FAFSA w la, yo ka gen plis fòmilè pou yo ranpli oswa kesyon sou aplikasyon w nan. Sa rive souvan. Asire w ke w bay enfòmasyon an leplivit posib. FAFSA: Gid Enfòmasyon pou Elèv Lekòl Segondè 3

6 Èske FAFSA a se yon bon chwa pou ou? Prèske sètènman! Si w bezwen lajan pou kolèj, ou ta dwe aplike. Lè w ranplis fòmilè FAFSA a se premye etap pou prèske tout sipò finansyè ikonpri nan men gouvènman federal la, gouvènman leta, kolèj yo ak anpil bous prive. Se vre ke fòmilè FAFSA a kapab parèt yon ti jan twoublan pou sèten elèv ak fanmi yo. Yo te konsevwa fòmilè a plizyè ane desa pou yon fanmi tradisyonèl ak de paran. Elèv jodiya yo souvan viv anba sikonstans diferan, nan fanmi melanje epi yon varyete sitiyasyon familyal. Sèten fanmi nouvo nan Peyi Etazini epi yo ka genyen manm ki pa genyen sitwayènte konplè. Pa gen pwoblèm. Ki sekrè a? Pou pifò elèv, lè yo ranpli fòmilè a sou òdinatè l ap pi fasil. Fòmilè FAFSA sou entènèt la pral dirije w a kesyon pou w reponn yo. Si w tonbe sou kesyon ki konplike, pa enkyete w. Sa rive pifò moun. Pale ak yon adilt, tankou yon paran oswa konseye, ki kapab ede w. Rele liy telefonik asistans FAFSA a nan Estaf liy telefonik asistans lan senpatik epi yo ka reponn prèske nenpòt kesyon ou ta genyen. K : Èske chak elèv kalifye pou sipò finansyè federal? Si ou vreman bezwen lajan pou kolèj, ou pwobabman kalifye pou kèk sipò finansyè. Elèv imigran ki pa legal pa kalifye pou èd federal. Men kolèj yo ka fè w ranpli yon vèsyon an papye FAFSA a pou jwenn aksè a lòt lajan. E menmsi ou panse ou ka pa jwenn èd akòz oumenm oswa paran w touche twòp kòb, ou ta dwe aplike pou FAFSA a pou ou ka gen aksè a prè federal ak èd ki baze sou merit. 4 FAFSA: Gid sou Kisa Pou w Fè pou Elèv Lekòl Segondè

7 K & Pou Elèv ki gen Kesyon sou Sitwayènte K : E si paran mwen ak mwen pa sitwayen Etazini? Pa gen pwoblèm. Ou kapab aplike si oumenm oswa paran w se rezidan pèmanan (ki genyen kat rezidans (grinkat), ki gen viza F-1, oswa ki la nenpòt jan ki legal ke gouvènman Etazini rekonèt. Si ou pa yon sitwayen Etazini? RELE LIY TELEFONIK ASISTANS FAFSA A: eligibility/non-us-citizens K : E si paran mwen yo pa legal? Pa gen pwoblèm, depi oumenm ou nan peyi Etazini legalman. Paran w yo pwoteje akòz, dapre lalwa, lòt ajans federal yo paka wè aplikasyon FAFSA w la. Men se pou w pran mezi espesyal lè w ap ranpli fòmilè a. Oumenm ak fanmi w ta dwe travay pre ak yon konseye pedagojik oswa yon pwofesyonèl sipò finansyè pou asire ke tout bagay fèt kòrèkteman. Oswa rele liy telefonik asistans FAFSA a pou w jwenn plis enfòmasyon. K : E si mwen pa legal? Ou paka resevwa lajan federal. Sa vre pou tout elèv ki pa legal, ikonpri sa ke yo bay klasifikasyon Aksyon Difere pou Moun ki Rive Depi yo Timoun (Deferred Action for Childhood Arrivals, DACA). Men ou ka kalifye pou sibvansyon leta oswa lokal ak lajan prive. Pale ak yon ofisye sipò finansyè nan kolèj ou ta renmen ale yo pou w wè ki èd ki disponib epi kisa w bezwen pou w jwenn ni. Ou kapab jwenn enfòmasyon tou sou bous ak lòt pwogram yo nan FAFSA: Gid sou Kisa Pou w Fè pou Elèv Lekòl Segondè 5

8 Se Pou Prepare w! Anvan w atake fòmilè FAFSA a, w ap bezwen yon òdinatè ak yon adrès imèl. Asire w ke se yon adrès imèl ke w tcheke souvan. Li enpòtan pou w veye imèl ou deprè pandan jou ak semèn apre w fin soumèt aplikasyon w nan. W ap genyen tou pou w kolekte enfòmasyon finansyè pèsonèl ak fanmi: Idantifikasyon pèsonèl: Nimewo Sekirite Sosyal Ou Nimewo Sekirite Sosyal pou youn oswa toude paran yo Enfòmasyon finansyè: Deklarasyon revni paran w, si ou depann sou youn oswa toude Yon kopi deklarasyon revni etranje paran w, si yo viv andeyò peyi Etazini oswa Pòtoriko Lisans chofè ou, si w genyen youn Anrejistreman kòm etranje oswa kat rezidans pèmanan, si oumenm oswa paran w pa sitwayen ameriken Pwòp dosye fiskal ou, si ou te ranpli yo oparavan Dosye sou revni ki pa takse nan fanmi w tankou Sekirite Sosyal, benefis byennèt, oswa benefis veteran Nouvo FAFSA Davans! Elèv yo ak fanmi yo itilize deklarasyon revni yo ki deja nan dosye yo nan IRS pou ranpli fòmilè FAFSA a. (Èske w ap planifye kòmanse kolèj an Septanm 2018 oswa apre? Ou pral itilize deklarasyon revni 2016 fanmi w la pou FAFSA a.) Lè w ranpli FAFSA a l ap pi rapid epi pi fasil pase anvan. 6 FAFSA: Gid Enfòmasyon pou Elèv Lekòl Segondè

9 K & Koleksyon Dokiman pou Fòmilè FAFSA a K : Èske mwen bezwen kat Sekirite Sosyal yo? Pa vreman, men li enpòtan ke non yo ak nimewo sou fòmilè FAFSA w la matche ak dosye fiskal gouvènman Etazini yo. Si ou pa genyen kat yo, gade non ak nimewo ki sou deklarasyon revni paran w yo. Matche sa yo egzakteman epi ou ta dwe anfòm. K : Kisa ki se dosye fiskal? Sa yo gen ladan yo deklarasyon revni anyèl (IRS 1040, 1040A, 1040EZ) ak fòmilè patwon W-2. Se pou w itilize fòmilè fiskal paran w ranpli ak IRS. Elèv ki ap rantre oswa retounen nan kolèj an septanm 2018 ap itilize dosye fiskal 2016 fanmi yo. Kisa pou Mwen Prepare? RELE LIY TELEFONIK ASISTANS FAFSA A: filling-out K : Dosye fiskal ki moun m ap bezwen? Si w ap viv ak toude paran yo, w ap itilize fòmilè revni fanmi w yo. Si ou viv plis ak yon paran, itilize deklarasyon revni paran sa a. Ka genyen etap espesyal si ou viv ak fanmi oswa si w viv endepandaman de paran w. (Fòmilè FAFSA a ka mande pou enfòmasyon revni sou paran byolojik oswa adoptif ou, menmsi ou ka viv oswa depann de lòt moun. Al gade paj 14 ak 15 nan gid sa a pou w jwenn plis enfòmasyon.) Si w genyen nenpòt kesyon, li enpòtan pou w rele liy telefonik asistans FAFSA a oswa pale ak yon konseye. FAFSA: Gid Enfòmasyon pou Elèv Lekòl Segondè 7

10 Fason pou Kòmanse Sa Gen Rapò Avèk Oumenm Lè a rive pou ranpli fòmilè FAFSA a. Jwenn yon òdinatè epi enstale w. Si w pare, fòmilè a ka pran sèlman 45 minit pou w konplete l! Men pa enkyete w si bagay yo pi konplike. Ou ka pran tan w epi ou ka sofgade travay ou. Pou w konplete fòmilè a, kontinye retounen sou sitwèb la kantite fwa ke w vle. Ale nan sitwèb Oumenm ak youn nan paran w yo ap gen pou enskri pou yon Idantifikasyon Èd Federal pou Elèv, ki rele tou yon FSA ID. W ap gen pou w pran yon FSA ID pou w travay sou fòmilè FAFSA w la epi siyen li elektwonikman. Ale nan sitwèb Sitwèb la pral gide w atravè yon pwosesis koneksyon ki rapid epi fasil. Sonje pou w byen ekri non w ak nimewo Sekirite Sosyal ou. Reponn tout kesyon ke fòmilè FAFSA a poze sou ou. Gen kèk ki ka sanble yo pèsonèl oswa dwòl. Pa enkyete w. Kesyon yo la pou yo detèmine si ou kalifye pou èd federal epi si ou depann sou paran w. Senpleman reponn kesyon yo onètman. Apresa, fòmilè FAFSA a pral mande w pou lis kolèj ou yo. Kolèj sa yo itilize FAFSA a pou detèmine pou ki kantite sipò finansyè ou kalifye. Ou kapab liste jiska 10 lekòl. Si w ap aplike pou plis pase 10 oswa ou vle chanje lis ou a, ou kapab fè sa apre. Si w ap prepare aplikasyon w yo toujou, ou kapab ajoute lekòl nenpòt lè. Li pi bon pou w ranpli fòmilè FAFSA a ak yon paran, pwofesè, konseye pedagojik, oswa yon adilt ki ka ede w. Elèv yo kapab ranpli fòmilè a, men dabitid li pi bon pou w genyen èd yon adilt. 8 FAFSA: Gid Enfòmasyon pou Elèv Lekòl Segondè

11 Asire w ke w ale sou sitwèb SILA A ( Sitwèb similè ka mande w peye pou w ranpli fòmilè FAFSA w la. Sit gouvènman an gratis epi sekirize. Lo papye mwen yo: Enfòmasyon pèsonèl Èske Genyen yon Èd Memwa Pou Itilize Anvan? Lis kolèj yo Dokiman fiskal fanmi Enfòmasyon sou lòt revni ak aktif yo Sitwèb FAFSA a founi yon fèy travay pou enprime epi ranpli anvan w kòmanse fòmilè a sou entènèt. Fèy travay la gide w atravè kesyon sou fòmilè a ak enfòmasyon w ap gen pou w kolekte a. Jwenn FAFSA ane sa a sou Fèy Travay sou Entènèt la nan FAFSA: Gid Enfòmasyon pou Elèv Lekòl Segondè 9

12 konprann FAFSA A Sa Gen Rapò Avèk Fanmi w... Fòmilè FAFSA a poze anpil kesyon sou fanmi w epi ki kantite lajan paran w fè. Li ka pratik pou w konprann poukisa y ap poze w kesyon sa yo. Men eksplikasyon an: Genyen yon kantite lajan disponib ki limite pou ede elèv ak depans pou kolèj. Gouvènman an ak kolèj yo gen pou yo detèmine si ou merite sipò finansyè. Si se wi, se pou yo detèmine ki kantite lajan ou bezwen. An rezime: Èske paran w yo genyen ase lajan pou ede w fini kolèj? Si wi, konbyen kòb èske yo ka kontribye? Sa rele pati "Kotizasyon yo Mande Fanmi yo." Kolèj yo ka rele li "EFC" w la. Se yon chif enpòtan li ye. Pou kalkile Kotizasyon yo Mande Fanmi yo, se pou FAFSA a detèmine twa bagay: Ki Moun ki Paran w? Èske ou depann sou yo? Ki Moun ki Viv Lakay ou? Ki moun ki depann sou paran w finansyèman? K : Si paran mwen ede m ranpli fòmilè FAFSA a, èske se pou yo ede m peye pou kolèj? Non. Paran w yo pa gen pou yo ede w peye pou kolèj, kèlkeswa montan yo touche. Se chwa pa yo. Sa ka apeze mantal yo si yo enkyè pou yo bay enfòmasyon revni yo pou FAFSA a. Tou senpleman fè yo konnen se pou w ranpli fòmilè sa a pou jwenn sipò finansyè. Konbyen Oumenm ak Paran w Touche? E ki ekonomi ka disponib pou kolèj? 10 FAFSA: Gid Enfòmasyon pou Elèv Lekòl Segondè

13 FAFSA: Gid Enfòmasyon pou Elèv Lekòl Segondè 11

14 Konprann FAFSA A Ki Moun ki Paran w? Èske ou se "depandan" de omwen yon paran? Pou majorite elèv lekòl, repons lan se wi." Pou FAFSA a, ou se yon "depandan" si Ou viv ak youn oswa toude paran w. Pou FAFSA a, yon paran se: Manman oswa papa natirèl ou, yon paran ki adopte w, oswa yon paran pa maryaj ki marye ak paran natirèl oswa adoptif ou. OSWA Ou an kontak ak youn oswa toude paran w, jan li dekri pi wo a. Ou ka aktyèlman ap viv ak yon gran paran, matant, frè oswa sè, oubyen yon bon zanmi. Pou FAFSA a, ou toujou "depandan" sou paran w si w genyen kontak detanzantan ak yo. Pou FAFSA a, ou "endepandan" si Ou genyen 24 lane daj oswa plis, ou marye, oswa w ap sipòte pwòp pitit ou finansyèman. Ou se yon òfelen, nan yon fanmi dakèy, nan responsablite legal, oswa yon titèl jidisyè. Ou sanzabri epi poukont ou, oswa w ap viv poukont ou epi w an risk pou w vin sanzabri. Fòmilè FAFSA a pral mande w apwopo sitiyasyon sa yo. Ranpli li byen epi apresa travay ak konseye lekòl ou a ak biwo sipò finansyè kolèj ou a pou w jwenn èd ou bezwen an. K : E si okenn kategori pa aplike? Ou ka yon kandida pou yon "Anilasyon Depandans." Sa se pou elèv ki teknikman "depandan" sou paran yo men pa gen okenn kontak ak yo, oswa yo gen bon rezon pou yo pè kontakte yo. Itilize opsyon sa kòm dènye opsyon. Li difisil pou jwenn yon anilasyon depandans. Al gade paj 15 nan gid sa a pou plis enfòmasyon. 12 FAFSA: Gid Enfòmasyon pou Elèv Lekòl Segondè

15 K & Kesyon Sou Paran ak Fanmi w K : E si paran mwen yo divòse oswa separe? Se pou w bay enfòmasyon sou yon sèl paran. Dabitid, sa se paran w ap viv ak li plis la. Si ou pataje tan egal ant paran w yo, itilize paran ki ba w plis sipò finansyè. Si paran sou fòmilè FAFSA w la remarye, se pou w enkli enfòmasyon paran pa maryaj ou a tou. K : E si paran mwen viv ansanm men yo pa marye? Si yo se paran w, natirèl oswa adoptif, se pou w bay enfòmasyon sou toude. Ou pa dwe enkli adilt ki pa fanmi w, menmsi yo se manm fanmi pwòch ou oswa yo ba w sipò. K : E si mwen viv ak yon fanmi oswa yon zanmi fanmi m? Sa depann sou si moun w ap viv ak li a, tankou gran paran w oswa matant ou, genyen yon relasyon legal ak ou. Si fanmi w nan adopte w, ou kapab mete enfòmasyon yo sou FAFSA a. Si moun sa a se responsab legal ou, ou endepandan epi ou pa gen pou w mete okenn enfòmasyon sou paran w. W ap gen pou w detèmine sa anvan w ranpli fòmilè FAFSA a. Fòmilè sou entènèt la pral poze yon seri kesyon pou ede w. Si ou twouble pou nenpòt rezon, se pou w pale ak yon konseye oswa rele liy telefonik asistans FAFSA a. K : Mwen panse mwen se yon elèv endepandan sou FAFSA a. Kisa kounyea? Fòmilè FAFSA sou entènèt la pral poze yon seri kesyon pou detèmine sa. Pa enkyete w, ou toujou konplètman kalifye pou sipò finansyè pou kolèj. Fòmilè FAFSA a pral poze w diferan kesyon si ou endepandan. Yo pral poze w kesyon sou revni w ak kay ou. Ou pap gen pou w bay enfòmasyon sou paran w. K : Èske m ap jwenn plis lajan si mwen endepandan de paran mwen? Petèt pa. Li ka parèt dwòl, men ou ka jwenn plis sipò finansyè si ou depann sou paran w. Reponn kesyon sou paran w yo lepli onèt ke w kapab sou fòmilè a. Ou Twouble sou Kondisyon w Antanke Depandan? RELE LIY TELEFONIK ASISTANS FAFSA A: FAFSA: Gid Enfòmasyon pou Elèv Lekòl Segondè 13

16 Konprann FAFSA A Ki Moun ki Viv Lakay ou? Fòmilè FAFSA a pral poze kèk kesyon sou avèk ki moun oumenm ak fanmi w ap viv. FAFSA a ap eseye detèmine ki lòt moun paran w bay sipò finansyè anplis de oumenm. Si ou se depandan paran w, "kay" ou gen ladan: Youn oswa toude paran: Si w ap viv ak toude paran w, li konte pou 2. Si w ap viv ak yon paran epi yon paran pa maryaj, li konte pou 2. Si w ap viv ak yon paran, li konte pou 1. Si ou separe tan w ant kay paran w yo, se pou w konte sèlman paran ke w pase plis tan ak li a. Li konte pou 1. (E si yo remarye, li konte pou 2.) Nenpòt moun ki jwenn sipò paran w ap viv ak yo a: Frè ak sè (ikonpri vre, demi, oswa pa maryaj) ki nan kay la oswa nan kolèj. Nenpòt lòt moun ki lakay ou (kouzen, matant, gran paran) si paran w yo ap founi plis pase mwatye sipò yo. Oumenm! Pa bliye konte tèt ou. Plizyè elèv fè sa... K : E si mwen se depandan legal de paran mwen, men mwen viv ak lòt moun? Ki kay pou mwen itilize? Menmsi w ap viv ak lòt moun, "kay" ou se kay paran ke w depann legalman de yo a. Paregzanp, si w ap viv ak granmè w, men manman w genyen responsablite legal ou toujou, fòmilè FAFSA a vle konnen apwopo kay manman w. Rele liy telefonik asistans FAFSA a ak kesyon w yo. Èske ou Gen Kesyon Sou Kay ou? RELE LIY TELEFONIK ASISTANS FAFSA A: filling-out 14 FAFSA: Gid Enfòmasyon pou Elèv Lekòl Segondè

17 E si Mwen Pa Gen Kontak K & ak Paran Mwen yo? K : E si mwen pa "depandan" de paran mwen, men mwen pa "endepandan" nonplis? Genyen anpil elèv ki tonbe nan kategori sa a. Ou ka pa genyen absoliman anyen pou w wè ak paran w. Sandout youn oswa toude nan yo vivan epi gen lyen legal ak ou toujou, men yo abandone w oswa yo enstitisyonalize. Se pou w pwouve ke ou pa gen lyen ak yo ankò: Ou bezwen yon "anilasyon depandans." K : Kijan pou mwen jwenn yon anilasyon depandans? Si li posib, chèche èd yon pwofesyonèl ki konprann FAFSA a, tankou yon konseye pedagojik, konseye sipò finansyè kolèj, oswa yon ekspè kolèj lokal. Oswa rele liy telefonik asistans FAFSA a. Premyèman, fòmilè FAFSA sou entènèt la pral poze w kesyon. Lè yo mande enfòmasyon paran w yo sou FAFSA a, klike kazye ki di: "Mwen paka founi enfòmasyon sou paran m." Apresa konplete rès fòmilè a epi soumèt li. Men se pou w fè plis toujou... Dezyèman, se pou w pale ak ofisye sipò finansyè yo nan kolèj ke w ta renmen ale yo. Se pou w pèsyade youn nan ofisye sa yo ke ou elijib pou yon anilasyon depandans. (Ofisye a ap avize w sa li bezwen kòm prèv.) Ofisye sa a se sèl moun ki kapab kontakte estaf FAFSA a epi manyèlman "anile" kondisyon depandans ou pou yo ka trete fòmilè w la. Twazyèman, prezante ka w la bay nenpòt kolèj ke w ta renmen ale. Chwazi lekòl prefere w yo epi travay ak ofisye sipò finansyè yo pou w jwenn yon pakè sipò finansyè. Kòmanse pwosesis sa a leplito posib. K : Ki kalite prèv m ap bezwen? Men kèk dokiman ki ka ede w jwenn yon anilasyon depandans. Konseye pedagojik ou a, travayè sosyal, oswa yon travayè kominotè kapab ede w rasanble pi bon dokiman pou ka w la: Yon lèt konseye pedagojik oswa travayè sosyal lekòl segondè w la ekri kote li sètifye fè ke w endepandan de paran w. Rapò lapolis oswa dokiman tribinal, tankou yon òdonans pwoteksyon kont youn oswa toude paran yo. Yon rapò ki konfime youn oswa toude paran yo nan prizon oswa yo enstitisyonalize. Si ou sanzabri epi w viv poukont ou, ou kalifye antanke elèv "endepandan". Ou pa bezwen yon anilasyon depandans. Men w ap gen pou w travay ak "lyezon pou sanzabri" nan distrik lekòl ou a pou w jwenn prèv kolèj yo pral mande a. FAFSA: Gid Enfòmasyon pou Elèv Lekòl Segondè 15

18 Konprann FAFSA A Konbyen Oumenm ak Paran w Touche Ane Pase? FAFSA a mande enfòmasyon sou revni fanmi an pou detèmine konbyen oumenm ak paran w kapab kontribye pou depans pou kolèj ou. Ideyalman, anpil nan enfòmasyon sa a pral soti nan dosye fiskal fanmi w. Suiv etap sa yo pou w asire ke enfòmasyon finansyè w konplè epi kòrèk. Premyèman, li enpòtan pou w ranpli fòmilè w la sou entènèt. Sa se, tout bon, fason pi fasil pou w ranpli FAFSA a. Fòmilè a pral dirije w a kesyon ou dwe reponn yo. Si fanmi w ranpli deklarasyon revni Etazini, yo ka mande w si w vle itilize "Zouti Rekiperasyon Done IRS" la. Li ka ede w. Zouti a pral ranpli pifò enfòmasyon finansyè fanmi w pou ou! Epi kolèj yo ap konnen enfòmasyon sou revni w yo kòrèk. Zouti Rekiperasyon Done IRS la otomatikman ranpli enfòmasyon fiskal fanmi w ak enfòmasyon ki te soumèt nan Sèvis Revni Entèn Etazini, ajans federal ki responsab koleksyon enpo yo. Paregzanp, si w konte kòmanse kolèj an septanm 2018, FAFSA a pral itilize deklarasyon revni 2016 fanmi w. Yon nòt sou itilizasyon Zouti Rekiperasyon Done IRS la: Pou kenbe enfòmasyon revni w prive, done IRS ou transfere a pap vizib. Ou pap ka reverifye oswa chanje enfòmasyon ki transfere sou FAFSA w la. Si ou enkyè, piga itilize zouti a. Tou senpleman tape enfòmasyon revni a poukont ou. Si ou pa wè yon lyen pou Zouti Rekiperasyon Done IRS la, tou senpleman mande paran w pou deklarasyon revni yo pou w reponn kesyon FAFSA a poze w yo. Èske vi w oswa fanmi w chanje anpil depi ou te ranpli dènye deklarasyon w nan? Bagay yo ka te chanje, men FAFSA a toujou bezwen w itilize enfòmasyon ki sou fòmilè revni ou deja genyen nan dosye yo. (Ankò, sa se deklarasyon revni 2016 ou pou ane sa a.) Si kondisyon finansyè fanmi w chanje, avize kolèj ou vle ale yo sou chanjman sa yo. Asire w ke w li seksyon yo ak atansyon! FAFSA a poze kèk kesyon sou vi w ak fanmi w "apatide jodiya." Reponn kesyon sa yo ak enfòmasyon aktyèl sou fanmi w ak kay ou. 16 FAFSA: Gid Enfòmasyon pou Elèv Lekòl Segondè

19 K & Kesyon Yo Poze Souvan Sou Enfòmasyon Finansyè sou FAFSA a K : Kisa pou m fè si vi aktyèl mwen pa matche ak ansyen deklarasyon revni ke m ap itilize yo? Sa se yon gwo kesyon pou anpil elèv. FAFSA a mande pou enfòmasyon revni sou dezan ak enfòmasyon aktyèl fanmi an. Anpil bagay ka rive. Paran ka marye oswa divòse. Revni fanmi a ka monte byen wo oswa desann byen ba. Ranpli Fòmilè FAFSA kòrèkteman. Apresa pale ak yon ofisye sipò finansyè nan kolèj ou vle ale a. Yo ka ajiste asistans ou a, si li nesesè. K : E si mwen pa wè yon lyen pou Zouti Rekiperasyon Done IRS la? Ou ka paka itilize Zouti Rekiperasyon Done IRS la. Yo pral poze w kèk kesyon nan kòmansman FAFSA a pou detèmine si zouti IRS la bon pou ou. Nan sèten ka, li pap bon. Si FAFSA a pa ofri w yon lyen pou Zouti Rekiperasyon Done IRS la, tou senpleman reponn kesyon li poze w yo ak enfòmasyon paran w ba w yo. K : E si paran mwen yo pa vle pataje enfòmasyon finansyè yo? Anpil paran santi ke enfòmasyon revni yo prive. Gen lòt ki enkyete ke lè yo ranpli fòmilè a, gouvènman an pral mande yo peye pou kolèj la. Asire yo ke enfòmasyon yo sekirize epi prive epi ke pa genyen kondisyon. Ou kapab mande yon adilt yo respekte konvenk yo ke FAFSA a enpòtan pou avni w nan kolèj. Èske w Bezwen Èd sou Kesyon Lajan? RELE LIY TELEFONIK ASISTANS FAFSA A: K : E si paran mwen pa genyen yon deklarasyon revni Etazini? Anpil moun pa genyen dokiman fiskal de patwon yo oubyen yo pa ranpli deklarasyon revni. Sa ka vre pou paran ki travay nan lòt peyi, oswa paran ki travay nan aranjman enfòmèl. FAFSA a toujou bezwen enfòmasyon revni fanmi a. Suiv sigjesyon yo sou entènèt. Si w bezwen konsèy adisyonèl, rele liy telefonik asistans FAFSA a. FAFSA: Gid Enfòmasyon pou Elèv Lekòl Segondè 17

20 Ou Pare Soumèt Fòmilè FAFSA w La Ou fin ranpli fòmilè FAFSA a sou entènèt la. Reverifye epi verifye yon twazyèm fwa enfòmasyon ou rantre a. Suiv direktiv ki pèmèt oumenm ak paran w "siyen" fòmilè a elektwonikman. Apresa, si tout bagay anfòm, klike bouton an epi soumèt li! Men poko kouri rilaks. Apre w fin soumèt FAFSA w la, w ap wè yon lyen pou aplike pou asistans leta. Fè sa kounyea! FAFSA a kapab ranpli anpil nan enfòmasyon an pou ou. Apresa se pou w asire ke FAFSA w la trete kòrèkteman. Suiv etap sa yo: Tcheke imèl ou chak jou. (Ou pap resevwa yon mesaj tèks; sa se imèl sèlman.) Apre detwa jou, w ap jwenn yon "Rapò Asistans Elèv," ki rele SAR tou. Li pral genyen yon rezime enfòmasyon finansyè w ak yon kalkil "Kotizasyon Yo Mande Fanmi yo." Sa se yon montan enpòtan pou ou. Li pral detèmine pou ki kantite sipò finansyè ou kalifye. Revwa Rapò Asistans Elèv la pou nenpòt erè. Si w jwenn erè, retounen sou entènèt la epi korije yo sou aplikasyon w nan. Asire w ke w li seksyon "kòmantè yo" sou SAR la pou w asire ke pa genyen okenn pwoblèm adisyonèl pou w adrese. (FAFSA w la pap trete si genyen enfòmasyon ki manke oswa lòt pwoblèm.) 18 Si w pa resevwa yon imèl, tcheke sou entènèt. SAR ou a ta dwe disponib sou sitwèb FAFSA a apre w konekte w. Si w pa jwenn yon rapò oswa si w genyen nenpòt pwoblèm, rele liy telefonik asistans FAFSA a nan FAFSA: Gid Enfòmasyon pou Elèv Lekòl Segondè Èske paran w yo nan peyi a legalman? Ou kapab ranpli FAFSA a sou entènèt san danje. Lalwa federal pwoteje vi prive elèv ak paran ki ap ranpli FAFSA a. Lè yo mande pou nimewo sekirite sosyal yo se pou paran w yo mete (Anpil paran fè sa pou plizyè rezon. Se yon pratik yo itilize souvan.) Si yo jwenn yon mesaj erè, kontinye eseye. L ap mache. Finalman, paran w yo ap gen pou yo mande epi voye yon "paj siyati" pa lapòs pou trete fòmilè a. Rele liy telefonik asistans FAFSA a nan pou w jwenn plis enfòmasyon.

21 Fè Suivi Montre M Lajan an! Dèke w konplete aplikasyon w nan, kolèj sou lis ou a ta dwe jwenn enfòmasyon FAFSA w yo otomatikman. A nenpòt moman, ou kapab ajoute kolèj sou lis ou a oswa retire yo. Kounye a se pou w travay ak kolèj yo pou w jwenn sipò finansyè ke w bezwen an... Tcheke Rapò Asistans Elèv FAFSA w la, oswa SAR, yon lòt fwa pou w asire ke pa genyen okenn konplikasyon dènye moman. Rele kolèj kote w aplike yo. Pale ak biwo sipò finansyè a epi asire ke yo genyen tout sa yo bezwen de ou. Èske revni fanmi w oswa revni kay la chanje anpil de dènye ane ki sot pase yo? Ou ka vle pale ak yon ofisye sipò finansyè nan kolèj prefere w yo. Fè yo konnen nenpòt sikonstans espesyal ki pa parèt sou FAFSA w la. K : FAFSA mwen an konplè. Kisa ki vin apre? Tann lèt akseptasyon kolèj ou yo! Nan sèten ka, lèt akseptasyon yo pral di w tou ki kantite èd ou ka jwenn nan men gouvènman an ak fon pou bous nan kolèj yo. Souvan, sepandan, yon kolèj ap voye lèt sipò finansyè li yon ti tan apre. Diferan kolèj yo pral ba w diferan montan èd. K : Ki kalite asistans finansyè mwen ka espere? Chak kolèj ki aksepte ou pral ba w yon lèt oswa imèl ki dekri ki montan kolèj la ap koute epi kisa kolèj la kapab ofri w pou ede w peye pou w al la. Sa ap pwobabman yon melanj sibvansyon ak bous (lajan ke yo ba w), prè (ke w dwe repeye) epi travay-etid (lajan ou ka touche). Yo rele sa yon "pakè finansyè." Li enpòtan pou w gade chak pakè ak atansyon, pouke w ka seleksyone kolèj ou vreman ka peye a. FAFSA: Gid Enfòmasyon pou Elèv Lekòl Segondè 19

22 K & E Si Yo Mande m Pwouve ke Enfòmasyon sou Fòmilè FAFSA Mwen an Vre? K : Poukisa y ap mande m pwouve ke enfòmasyon sou FAFSA mwen an kòrèk? Sa se yon pwosesis ki rele "verifikasyon," epi li komen yo verifye jiska 30 pousan fòmilè FAFSA yo chak ane. Depatman Edikasyon Etazini ak kolèj yo seleksyone sèten elèv pou verifye enfòmasyon yo bay sou fòmilè FAFSA yo. Gendelè yo chwazi aplikan yo owaza. Gendelè se akòz enfòmasyon sou fòmilè FAFSA a enkonsistan oswa enkonplè. Kolèj yo responsab pou yo fè verifikasyon an. K : Kisa ki fèt nan verifikasyon an? Biwo sipò finansyè a pral kontakte ou. Dabitid se yon demann woutin li ye pou plis enfòmasyon, souvan sou revni fanmi w. Ou ta dwe oke si w te itilize Zouti Rekiperasyon Done IRS la. Si non, w ap pwobabman gen pou w bay yon transkrip deklarasyon revni fanmi w (ou ka fè demann la nan IRS) oswa etakont rezilta nan men patwon yo. Biwo sipò finansyè nan kolèj yo pral konpare fòmilè FAFSA w la ak enfòmasyon ou bay la. Si genyen diferans, w ap gen pou w korije fòmilè FAFSA w la. K : Ki lòt kesyon yo ka poze? Biwo sipò finansyè a ka vle konfime kantite moun ki nan fanmi w, epi konbyen lòt ki aktyèlman nan kolèj. Yo ka mande w pou lòt revni fanmi w (tankou pansyon alimantè pou timoun) oswa èd nan men gouvènman (tankou koupon alimantè). Yo ka mande w tou pou w bay idantifikasyon legal oswa prèv ke ou ap gradye lekòl segondè. K : Èske mwen ka voye menm enfòmasyon an bay tout kolèj yo? W ap gen pou w reponn chak kolèj separeman. Chak pral voye yon fòmilè nan imèl oswa lapòs regilye, ki endike sa yo bezwen an. Asire w ke w respekte dat limit chak kolèj. Si pa genyen dat limit, bay enfòmasyon an leplivit posib. K : Si mwen resevwa fòmilè verifikasyon an, èske sa vle di kolèj la aksepte mwen? Pa vreman. Sèten kolèj mande verifye enfòmasyon finansyè w anvan yo pran yon desizyon sou aksepte w. Se pou sa ou dwe fè sa rapidman. Rete an kontak pre ak kolèj ou ta swete ale yo epi ba yo tout sa yo mande yo. 20 FAFSA: Gid Enfòmasyon pou Elèv Lekòl Segondè

23 Yo Aksepte w Nan Kolèj! Kijan Pou w Li yon Lèt Sipò Finansyè Se jou ou t ap tann nan. Premye lèt akseptasyon pou kolèj ou rive! Ou pral resevwa yon lòt lèt tou ki ap di w kisa kolèj la koute ak kèk fason ou ka peye pou li. Sa se "pakè finansyè" w la. Li enpòtan ke w li li ak atansyon epi konpare li ak nenpòt lòt òf ke w resevwa. Paj suivan yo di w kijan pou li epi konpare lèt sa yo. Men nouvo tèminoloji ou ka wè: Frè Patisipasyon: Depans total pou w ale nan kolèj. Sa ap gen ladan depans dirèk ke w peye bay kolèj la (tankou frè eskolarite ak frè) epi souvan depans endirèk (tankou liv ak transpò). Kotizasyon yo Mande Fanmi yo: Montan yo atann oumenm ak fanmi w ap kontize pou kolèj chak ane, baze sou fòmilè FAFSA w la. Sibvansyon oswa Bousdetid: Lajan gratis pou kolèj ke gouvènman an, kolèj oswa òganizasyon prive yo bay. Yon egzanp se Pell Grant federal la pou elèv ki gen bezwen finansyè. Etid-Travay: Lajan federal ke ou ka touche lè w pran yon travay a tan pasyèl sou kanpous la. Prè Perkins (Perkins Loan): Yon prè ak enterè ki ba nan men gouvènman federal la pou elèv ki genyen bezwen finansyè ase enpòtan. Pwogram Perkins la pral fini, men sèten lajan pou prè Perkins toujou disponib nan sèten kolèj. Prè Gouvènman Federal Dirèk: Prè sa yo vini an de fòm: sibvansyone ak sa ki pa sibvansyone. Prè sibvansyone yo se pou elèv nan bezwen epi ki gen kondisyon ranbouseman ki pi fasil. Prè Parent PLUS: Sa yo se prè federal ke paran kapab itilize pou kouvri depans edikatif yo. To enterè yo varye. Prè Prive: Sa yo se bayè prive ki ofri yo tankou bank yo. Souvan yo faktire frè ak to enterè ki pi wo pase prè federal pou elèv, epi kondisyon ranbouseman yo ka pa osi fleksib. FAFSA: Gid Enfòmasyon pou Elèv Lekòl Segondè 21

24 KONPARE DEPANS POU KOLÈJ YO Premyèman, Tcheke Pri a Li lè pou nou reyalis. Se pou w detèmine konbyen kòb kolèj pral koute w. Sa pral diferan pou chak lekòl. Pou kòmanse, gade lèt sipò finansyè w la ak atansyon. Gade yon seksyon ki rele "estimasyon depans". Lèt ou a fèt pou l liste depans ke w ta dwe genyen. Men sèten kolèj fè yon pi bon travay sou sa pase lòt. Ou ka gen pou w chèche enfòmasyon sa a oswa, pou depans pèsonèl, fè pwòp estimasyon w. Depans pou Kolèj Sa yo se depans kolèj yo faktire w dirèkteman. Genyen kèk depans sèlman, sepandan yo se atik ki koute pi chè yo: Frè eskolarite ak frè Depans Pèsonèl Sa yo se depans ki soti nan pòch ou. Bòn nouvèl la sèke lè w fè atansyon ou ka kontwole yo. Move nouvèl la sèke depans sa yo kapab akimile. Eseye bidjetize pou lavi reyèl. Liv ak founiti klasik Pansyon, si w ap viv nan yon dòtwa Konpare Depans yo Kòrèkteman Plizyè kolèj liste sibvansyon, prè ak lòt sipò chak semès, sepandan depans pou kolèj yo ak Kotizasyon yo Mande Fanmi yo se pou tout ane a yo ye. Asire ke w konpare depans ak asistans pou menm kantite tan an. Epi asire w ke w sonje tout bagay. Gouvènman an founi yon kalkilatè bidjè ki pratik nan sa/fafsa/next-steps/ comparing-aid-offers.. Lojman, si ou pa viv lakay ou men ou pa nan yon dòtwa Manje, ti goute ak anpil kafe Transpò, swa chak jou oswa pou vizit lakay Divètisman ak amizman Rad, akseswa pou lijyèn 22 FAFSA: Gid Enfòmasyon pou Elèv Lekòl Segondè

25 KONPARE DEPANS POU KOLÈJ YO Apresa, Chèche Lajan Gratis la Pifò kolèj yo pral ofri kèk kalite èd pou ede w peye pou lekòl. Se sa ki pati ki pi enpòtan epi enteresan! nan lèt sipò finansyè w la. W ap pwobabman wè yon ti lis sibvansyon, travay-etid ak prè. Gade chak ak atansyon. Tout lajan kapab ede pou kolèj, men sèten fòmilè sipò finansyè bi bon pase lòt. Anjeneral, se pou w kòmanse chèche lajan pou pa gen pou w ranbouse, tankou sibvansyon ak bous. Apresa konsidere opsyon ki pi chè yo, tankou prè, si sa nesesè sèlman. Pi ba a gen yon ti lis fòmilè ki pi komen yo ki bay lajan "gratis" ak opòtinite pou travay-etid federal yo. Sibvansyon Federal De sa ki pi komen yo se Pell Grant ak Sibvansyon Siplemantè pou Opòtinite Edikatif (chèche "SEOG" sou lèt ou a). Toude baze sou bezwen finansyè. Sibvansyon Leta Plizyè eta ofri pou yo ede elèv ki rete nan eta kay yo pou kolèj. Nouyòk, paregzanp, genyen Pwogram Asistans pou Frè Eskolarite ki popilè a (chèche "TAP ). Ideyalman, ou depoze aplikasyon pou sibvansyon leta yo lè w ranpli fòmilè FAFSA w la. Pwogram leta yo souvan konpetitif epi yo bay yo baze sou "premye vini, premye sèvi". Sibvansyon Kolèj yo ak Bousdetid Prive yo Plizyè kolèj ofri sibvansyon baze sou merit (tankou yon mwayèn ki wo oswa bon nòt pou egzamen), bezwen finansyè oswa kapasite atletik. Gwoup prive yo ofri lajan gratis tou pou kolèj, men se pou w jwenn ni epi aplike pou li. Yo pap bay li sou lèt èd ou a. Chèche sou entènèt oswa pale ak yon konseye inivèsitè pou plis enfòmasyon. Etid-Travay Federal Yo ka ofri elèv ki genyen bezwen finansyè opòtinite pou yo travay sou kanpous la. Tankou ak nenpòt ki travay, yo peye w pou kantite tan ou travay. Ou ka itilize lajan an nenpòt jan w vle. Lèt sipò finansyè w la pral di w konbyen kòb ou ka touche nan pwogram sa a, men sa depann de ou pou w jwenn yon travay epi travay lè nesesè yo pou w jwenn lajan sa a. FAFSA: Gid Enfòmasyon pou Elèv Lekòl Segondè 23

26 KONPARE DEPANS POU KOLÈJ YO Finalman, Panse ak Prè yo Depans pou kolèj yo ap ogmante konstaman, kidonk anpil elèv dwe pran omwen yon ti prè pou yo siviv. Pa gen moun ki renmen dèt. Men w ap pwobabman fè plis lajan ak yon diplòm inivèsitè pase si w pa gen youn, kidonk prè yo ka yon envestisman pou lavni w. Bon prensip pou w kenbe nan tèt ou: Si oumenm oswa paran w bezwen fè prè, prete yon montan ki pi piti posib. Asire w ke w itilize prè gouvènman an garanti anvan. Yo mwen chè pou ranbouse epi yo pi fleksib si w bezwen tan anplis. Prè prive ak kat kredi sipoze dènye resous. Men kèk opsyon ou kapab wè nan lèt sipò finansyè w la, an kòmansan ak pi bon opsyon yo anvan. Prè Federal Perkins: To enterè a ba, epi ou pa gen pou w kòmanse ranbouse prè a jouk nèf mwa apre ou kite kolèj. Sepandan se pou w pwouve ou gen bezwen finansyè eksepsyonèl pou w jwenn prè sa a. Fon yo limite epi se pa tout kolèj yo ki ofri yo. Prè Federal Dirèk "Sibvansyone": Yo bay elèv nan kolèj (inivèsite) yo prè sibvansyone baze sou bezwen yo. Depans enterè yo ka pi ba pase lòt prè gouvènman epi ou genyen plis tan anvan w dwe kòmanse ranbouse yo. Prè Federal Dirèk "Ki Pa Sibvansyone": Prè Ki Pa Sibvansyone yo disponib pou nenpòt moun, sepandan depans total ranbouseman yo pi wo pase prè sibvansyone yo amwens ke w kòmanse ranbouse yo pandan w lekòl toujou. Prè Parent PLUS: Sa yo se prè gouvènman garanti ke paran kapab itilize pou ede w peye pou kolèj. Men se pou paran w genyen bon kredi epi to enterè yo kapab wo. Anteyori, paran yo kapab prete kantite yo bezwen. Sepandan menm jan avèk ou, se pou yo fè atansyon pou yo pa fè twòp dèt. Prè Prive: Ou kapab prete lajan nan men bank yo oswa lòt enstitisyon finansyè, sepandan chèche ak anpil atansyon. Frè ak to enterè yo kapab wo, epi dabitid se pou w kòmanse ranbouse prè a pandan w lekòl toujou. Prekosyon: Se pou ranbouse prè yo bay elèv yo. Amwens se yon ka eksepsyonèl, yo paka egzonere yo atravè fayit. Sepandan li relativman fasil pou w diminye oswa retade peman yo si ou genyen yon prè gouvènman an garanti. 24 FAFSA: Gid Enfòmasyon pou Elèv Lekòl Segondè

27 Kesyon Yo Poze Souvan Sou Prè K & Elèv ak Dèt pou Kolèj K : Kisa mwen dwe konnen sou prè etidyan epi ranbouseman yo? Genyen tout kalite prè. Sèten chè epi sèten konparativman ekonomik. Sèten bayè mande pou w kòmanse ranbouse yo tousuit. Gen lòt ki pa voye fakti ba ou jouk apeprè ennan apre w gradye. Lè w ap anvizaje yon prè, mande de bagay: Kisa to enterè a ye. Sa detèmine montan lajan w ap gen pou ranbouse a anplisde montan ou prete a. Ou vle chif sa a pi ba ke posib. Prè ke gouvènman an garanti ofri to enterè ki pi ba yo. Kondisyon ranbouseman yo. Sa se kilè w ap gen pou w kòmanse fè peman sou prè a, konbyen tan ou genyen pou w ranbouse prè a epi konbyen kòb w ap gen pou w peye chak mwa. Prè ke gouvènman an garanti pèmèt ou tou pou w diminye peman w yo oubyen sispann peye pandan yon ti tan, si sa nesesè. Epi gouvènman an kapab diminye dèt ou a si w rantre nan sèten karyè, tankou ansèyman nan zòn revni ki ba. K : Konbyen kòb mwen ka prete nan prè federal pou etidyan? Montan ki disponib nan pwogram prè gouvènman sibvansyone a chanje chak ane. Pran prè sa yo anvan. Si w bezwen plis lajan, dabitid ou ka jwenn sa w bezwen an atravè prè ki pa sibvansyone. Men fè atansyon. Prete sèlman sa w bezwen. K : Ki montan ki apwopriye pou prete? Sa depann sou yon seri de bagay. Kòm premye pa, gade lèt sipò finansyè kolèj ou renmen plis la. Èske w ap bezwen prete lajan pou w konplete premye ane a? E pou ane ki rete yo? Ki kalite prè ap disponib pou ou? E kisa depans total yo ap ye sou katran? Dèke w kolekte enfòmasyon sa a, li enpòtan pou w chèche yon kalkilatè pou sipò finansyè pou ede w ak kalkil chif yo. Majorite sitwèb kolèj yo genyen yo kounyea. Sitwèb genyen yon bon kalkilatè ki pèmèt ou mete montan prè w ap gen pou ranbouse a, to enterè a ak lòt kondisyon yo. Yon egzanp: Si ou genyen yon dèt $ (ki se mwayèn nasyonal la) w ap gen pou w ranbouse apeprè $350 pa mwa pandan 10 zan ak to enterè aktyèl yo. Èske w ap ka peye li apre w gradye? Se pou w reyalis. Panse seryezman a kalite travay ou espere genyen. Konbyen kòb jèn travayè touche nan domèn sa? Èske w ap kapab fè peman prè w la ak tout lòt depans ou yo? FAFSA: Gid Enfòmasyon pou Elèv Lekòl Segondè 25

28 FÈ KALKIL YO Konpare Òf Kolèj yo Ou pa gen pou tann ankò. Ou genyen lèt akseptasyon w yo epi òf sipò finansyè w yo. Kounye a se pou w deside nan ki lekòl ou pral ale. Kesyon lajan. Se pou w chwazi yon lekòl ke w kapab peye. Leson ki annapre a se yon leson sou konparezon de pakè sipò finansyè. Li pral ba w yon lide sou sa w ap chèche. Sepandan sonje, chak pakè ap diferan. Gendelè yo ka twouble w oswa yo ka enkonplè. Rele biwo sipò finansyè kolèj la oswa pale ak yon adilt ou fè konfyans si w bezwen èd. Nou pral konpare de lekòl fiktif: BigBucks University (Inivèsite BigBucks) ak LowerCost College (Kolèj LowerCost). Annou sipoze ke Kotizasyon yo Mande Fanmi yo (Expected Family Contribution) ap $ Kounye a se pou nou gade depans ak diferan kalite asistans yo pou nou wè ki lekòl ki pi bon opsyon an. Frè pou Ale Lekòl La: Bucks koute plis, LowerCost koute mwens. (Enpòtan: Fè pwòp bidjè ou pou w gen yon vre ide sou depans ou yo. Kolèj yo souvan pa byen evalye montan depans kotidyen pèsonèl yo.) Toude lekòl yo ofri anpil Sipò pou Bousdetid ak Sibvansyon. Kolèj yo gade toude bezwen finansyè ak akademik ou pou detèmine ki kantite pou yo ofri ou byen fè l! Sepandan rele epi mande detay. Èske lajan gratis la garanti pou premye ane a sèlman, oswa pi lontan? Èske lekòl la mande pou w fè bon nòt? Se pou w konnen règleman yo. 26 FAFSA: Gid Enfòmasyon pou Elèv Lekòl Segondè

29 BigBucks University (Inivèsite BigBucks) Frè pou Ale nan Lekòl la (1ye Ane) $ Sibvansyon ak Bousdetid Bousdetid BigBucks University Sibvansyon Pell (Pell Grant) Sibvansyon Leta (State Grant) Pri Nèt la... $ Prè ak Etid-Travay Prè Perkins (Perkins Loan) Prè Federal Dirèk Sibvansyone Prè Federal Dirèk Ki Pa Sibvansyone Etid-Travay Federal Kalkil Final Depans Total pou Ale nan Lekòl la Sipò Finansyè Total yo Ofri... -$ Kotizasyon yo Mande Fanmi yo (Expected Family Contribution) Kantite lajan k ap manke w pou ane sa a... $7 000 (Montan total dèt prè a sou katran = $30 000) LowerCost College Frè pou Ale nan Lekòl la (1ye Ane)..$ Sibvansyon ak Bousdetid Bousdetid LowerCost College Sibvansyon Pell (Pell Grant) Sibvansyon Leta (State Grant) Pri Nèt la... $ Prè ak Etid-Travay Prè Federal Dirèk Sibvansyone Prè Federal Dirèk Ki Pa Sibvansyone Etid-Travay Federal Kalkil Final Depans Total pou Ale nan Lekòl la $ Sipò Finansyè Total yo Ofri... -$ Kotizasyon yo Mande Fanmi yo (Expected Family Contribution) Kantite lajan k ap manke w pou ane sa a... $1 000 (Montan total dèt prè a sou katran = $22 000) Apresa, gade Pri Nèt la, depans pou kolèj ki rete apre sibvansyon sa yo. Sa a se montan w ap bezwen genyen atravè prè, etid-travay oswa lòt fason. Kounye a gade Prè yo. Sonje, sèten prè mwen chè epi pi fasil pou w jere pase lòt. Ou vle prè k ap koute w pi piti depans posib la. Montan ke w ka jwenn atravè Prè Federal Dirèk yo ap menm, sepandan lekòl yo kapab itilize jijman yo pou Prè Perkins ak lòt sibvansyon gouvènman an. (Epitou, konsidere montan total dèt la. Adisyone montan dèt yo ofri yo epi miltipliye li pa nonm ane sa ap pran pou diplome. Nan LowerCost, sa se $5 500 kòm lajan prè X 4 ane = $ ) Epi gade montan lajan yo ofri pou Etid-Travay la Sa se lajan ou ka touche pou depans pèsonèl lè w travay sou kanpis la. Sepandan se pou w jwenn travay la epi travay pandan lè yo. Finalman, egzamine rezilta yo. Ki vid w ap genyen pou w konble pandan premye ane a? W ap gen pou w jwenn lajan sa a yon kote: ekonomi ou te fè pou kolèj, prè nan men fanmi w oswa yon lòt travay (kèt!) anplisde lè ou travay nan etid-travay la. Asire w ke w adisyone montan total ou ka bezwen prete pou w rive diplome. Nan ka sa a, BigBucks University mande plis prè...epi li genyen yon pi gwo vid pou w ranpli. Si depans sa yo twòp pou ou epi ou vreman vle ale nan lekòl sa a rele biwo kolèj la. Ou ka gen posiblite pou w ale annapèl pou pakè w la epi jwenn plis asistans. Depans pou kolèj yo trè enpòtan lè w ap konsidere chwa w pou yon lekòl. Sepandan asire w tou ke se yon lekòl eksepsyonèl ke w pral renmen. Konsidere tout faktè yo anvan w di "wi" pou kolèj prefere w la. FAFSA: Gid Enfòmasyon pou Elèv Lekòl Segondè 27

30 Konpliman! Ou byen ranpli fòmilè FAFSA w la. Ou genyen sipò finansyè. Ou nan wout pou w ale nan kolèj. Pase yon bòn ane. Asire w ke w kenbe tout enfòmasyon ke ou kolekte yo epi kenbe gid sa a. W ap gen pou w ranpli fòmilè FAFSA w la ankò ane pwochèn! 28 FAFSA: Gid Enfòmasyon pou Elèv Lekòl Segondè

31 Èske w genyen Plis Kesyon Sou Kijan w ka Jwenn Lajan pou Kolèj? ASIRE W KE W KÒMANSE SOU SIT ENTÈNÈT FAFSA A: Si w genyen kesyon sou FAFSA a: Rele liy telefonik asistans FAFSA a nan Rele nimewo sa a pou konsèy sou kijan pou w ranpli fòmilè FAFSA epi pou èd ak lòt pwoblèm sou sipò finansyè federal. Pwofesyonèl yo disponib pou reponn kesyon w yo de Lendi rive Vandredi 8 a.m. rive 11 p.m. oubyen lewikenn apatide 11 a.m. rive 5 p.m. (Lè zòn lès). Pwofesyonèl yo disponib tou sou imèl oswa nan tchat. Al gade nan site/fafsa Pou jwenn plis enfòmasyon. Gouvèman an bay enfòmasyon pratik tou sou FAFSA a ak lòt opsyon pou sipò finansyè sou sitwèb Sipò Finansyè Federal pou Elèv li a nan: ed.gov/sa/. Ale la a pou konsèy sou: Kijan pou w ranpli Fòmilè FAFSA Jwenn ki Asistans ki Disponib Gade pou ki Asistans Ou ka Kalifye Jwenn epi Jere Prè Elèv Preparasyon pou Kolèj PARE POU W RANPLI FÒMILÈ FAFSA W LA Sou Entènèt? Oumenm ak youn nan paran w yo ap gen pou n pran yon Idantifikasyon ID (FSA ID) pou ou ka siyen fòmilè a elektwonikman. Ale nan sitwèb index.htm pou w enskri pou yon Idantifikasyon FSA (FSA ID). ÈSKE W AP APLIKE NAN KOLÈJ KI MANDE ANPIL EN- FÒMASYON FINANSYÈ? Ou ka gen pou w ranpli PWOFIL Sipò Finansyè CSS Komite Inivesitè a. Plizyè lekòl prive mande anpil enfòmasyon finansyè epi mande pou elèv yo ranpli fòmilè sa a sou entènèt. Tcheke lekòl ou yo pou w wè si yo bezwen w ranpli fòmilè sa a. Pou jwenn plis enfòmasyon ale nan ÈSKE W BEZWEN YON VÈSYON GID SA A SOU FÒM PDF NAN LANG ANGLÈ OSWA PANYÒL? Ale sou sitwèb nou a nan EPI PA BLIYE PALE AK ADILT OU FÈ KONFYANS: Paran ou, konseye pedagojik ak pwofesè yo ka sanble yo okipe, sepandan yo vle sa ki pi bon pou ou. Ou ka jwenn èd nan biwo admisyon kolèj yo, òganizasyon lokal ki pa travay pou pwofi ak ansyen elèv pwòp lekòl segondè w. Si w genyen nenpòt kesyon, jwenn yon moun ki ka ede w.

32 72 Fifth Avenue, 6th floor, New York, NY ENFÒMASYON SOU GID Sila a Center for New York City Affairs ki te pibliye gid sa a, se yon enstiti règlemantè ki baze nan The New School. Liv sa a soti akòz rechèch yo te fè sou kijan fòmilè FAFSA a ka konplike pou elèv Vil Nouyòk yo. Nou swete sa ka ede tout fanmi, ak tout konseye pedagojik, pwofesè, ak tout adilt ki konsène pou ede elèv yo ak pwosedi sipò finansyè a. Yon gwo mèsi pou estaf konseye ak fòmasyon kolèj la nan Goddard Riverside Community Center's Option Institute epi tout pwofesyonèl FAFSA ki ede nou ak pwosesis la. Nan Capital One Bank nou kwè ke ogmante aksè pou edikasyon siperyè se youn nan pi bon fason pou ede elèv yo atenn potansyèl yo epi prepare pou yo gen siksè ekonomik. Pou anpil elèv, aksè a sipò finansyè pou kolèj se yon etap kritik li ye. Antanke pati nan angajman nou pou nou responsabilize elèv yo epi founi yo resous pou ede yo planifye lavni akademik yo, nou fyè pou nou asosye ak Center for New York City Affairs nan The New School pou nou pwodui FAFSA: Gid Enfòmasyon pou Elèv Lekòl Segondè. Zouti sila a pral senplifye pwosesis sipò finansyè a epi pèmèt plis elèv pousuiv aspirasyon edikatif yo. FAFSA: Gid Enfòmasyon pou Elèv Lekòl Segondè onore angajman Capital One Bank pou l envesti nan opòtinite ekonomik pou endividi ak kominote kote nou travay epi viv yo. PATAJE GID SA A JODIYA! POU TELECHAJE OSWA JWENN LYEN pou yon kopi, ale nan Sitwèb la ofri vèsyon nan lang Anglè ak Panyòl pou Gid Enfòmasyon FAFSA a, ak tout lyen epi resous pou toude fanmi ak anseyan. Pou plis resous edikatif, tcheke sitwèb Center for New York City Affairs la nan oswa sitwèb Insideschools la nan KOPI GRATIS disponib tou! Ekri yon imèl bay Kim Nauer nan nauerk@newschool.edu pou enfòmasyon sou kijan pou plase kòmann. Nou apresye kòmann an batch nan men lekòl yo ak òganizasyon kominotè yo. Gras ak Depatman Edikasyon NYC a gen kopi ki disponib pou elèv lekòl piblik NYC yo. Ilistrasyon: R.J. Matson Desen: Stone Soup Creative Editè: Kim Nauer Center for NYC Affairs 2017